Swydd Ddisgrifiad (SDd) - Y Gwasanaeth Prawf (PS)

Band 4 PS

Cyfarwyddiaeth: Y Gwasanaeth Prawf

Swydd Ddisgrifiad: Swyddog Prawf

Cynhyrchwyd gan Y Tîm Gwerthuso Sicrwydd a Chymorth Swydd

Awdurdodwyd gan Y Tîm Gwobrwyo

Tystiolaeth ar gyfer y SDd

Swydd Ddisgrifiad - PS

Teitl y Swydd	Swyddog Prawf
Cyfarwyddiaeth	Y Gwasanaeth Prawf
Band	4

Trosolwg o’r swydd	Bydd deiliaid y swydd yn ymgymryd â’r ystod llawn o dasgau rheoli troseddwyr gyda phobl ar brawf sydd dan oruchwyliaeth, yn cynnwys asesu, gweithredu dedfrydau, a chynhyrchu adroddiadau; gan ddefnyddio gweithdrefnau cyflwyno a chyfarwyddiadau ymarfer i danategu barn broffesiynol.
Crynodeb	Asesu a rheoli’r risg a berir gan bobl ar brawf a diogelu dioddefwyr troseddau a’r cyhoedd yn gyffredinol trwy: Darparu gwybodaeth a chyngor i lysoedd troseddol, asiantaethau cyfiawnder troseddol eraill ac asiantaethau partner. Goruchwylio pobl ar brawf sy’n destun gorchmynion cymunedol a thrwyddedau ac yn ystod dedfrydau o garchar. Cyfrannu at reoli risg. Gweithio gydag asiantaethau a grwpiau eraill i atal troseddu a bodloni anghenion dioddefwyr a phobl ar brawf. Yn unol â pholisïau a gweithdrefnau y PS, bydd rhaid i ddeiliad y swydd arddangos ymrwymiad i gydraddoldeb a chynhwysiant bob amser a deall sut maent yn berthnasol i’r gwaith mae’n ei wneud. Rhaid i ddeiliad y swydd lynu at bob polisi o ran natur sensitif/gyfrinachol yr wybodaeth a gaiff ei thrin wrth weithio yn y swydd hon.
Cyfrifoldebau, Gweithgareddau a Dyletswyddau	Efallai y bydd yn ofynnol i Swyddogion Prawf ymgymryd ag unrhyw gyfuniad, neu bob un, o’r dyletswyddau a’r cyfrifoldebau a nodir isod. Darparu cyngor ac asesu proffesiynol, gan gynnwys adroddiadau ysgrifenedig i’r llysoedd, y Bwrdd Parôl, asiantaethau cyfiawnder troseddol eraill a sefydliadau partner. Ymgymryd â’r ystod llawn o dasgau rheoli troseddwyr gyda bobl ar brawf sydd wedi’u hasesu ar bob lefel risg o niwed difrifol, yn cynnwys uchel ac uchel iawn. Defnyddio systemau cyfrifiadurol i gynhyrchu, diweddaru a chynnal cofnodion a dogfennaeth arall o fewn amserlenni y cytunwyd arnynt. Sicrhau cyfeiriadau amserol ac effeithiol i, a pherthnasau rhwng, rheoli troseddwyr, timau’r llysoedd, uned cyswllt dioddefwyr, ymyriadau, Eiddo Cymeradwy, carchardai ac asiantaethau allanol, i wella canlyniadau positif, rheoli risg a lleihau aildroseddu. Mynychu cyfarfodydd proffesiynol a chynrychioli’r Gwasanaeth Prawf mewn fforymau partneriaeth priodol e.e. MAPPA. MARAC. Gweithio ar y cyd gyda chydweithwyr, cynnal perthnasau effeithiol o fewn y tîm, a darparu arweiniad a chymorth proffesiynol i Swyddogion y Gwasanaeth Prawf (PSOs) a staff eraill, fel sy’n briodol. Gweithio i gynorthwyo eraill yn eich tîm neu dimau eraill yn ôl y gofyn. Cynnal ymweliadau yn y carchar, yn y cartref neu leoliadau amgen eraill yn ôl y gofyn. Cyflwyno a chyd-arwain rhaglenni achrededig sy'n gymesur â’ch gradd. Cynnal profion alcohol a chyffuriau gorfodol yn ôl y gofyn a dilyn gweithdrefnau meddyginiaeth ar bresgripsiwn. Ymgymryd â dyletswyddau diogelu plant yn unol â chyfrifoldebau statudol y Gwasanaeth Prawf a pholisïau asiantaethau. Dangos sgiliau modelu cymdeithasgar drwy atgyfnerthu ymddygiad ac agweddau cymdeithasgar yn gyson a herio ymddygiad ac agweddau gwrthgymdeithasol Gweithio o fewn nodau a gwerthoedd PS a HMPPS.
	Mae’r dyletswyddau/cyfrifoldebau a restrir uchod yn disgrifio’r swydd fel y mae ar hyn o bryd, ac nid yw’n rhestr gyflawn. Disgwylir i ddeiliad y swydd dderbyn addasiadau rhesymol a thasgau ychwanegol sydd ar lefel debyg a allai fod yn angenrheidiol. Os bydd addasiadau sylweddol mae’n bosib y bydd angen ystyried y swydd unwaith eto dan y cynllun Gwerthuso Swydd, a thrafodir hynny â deiliad y swydd yn y lle cyntaf. Bydd rhaid gallu cyflawni pob agwedd lafar o’r rôl yn hyderus drwy gyfrwng y Saesneg neu (pan bennir yng Nghymru) Cymraeg.
Ymddygiadau	Gwneud Penderfyniadau Effeithiol Newid a Gwella Cydweithio Cyflawni ar Gyflymder Cyfathrebu a dylanwadu
Cryfderau	Argymhellir dewis cryfderau yn lleol, awgrymir 4-8
Profiad hanfodol	Profiad o weithio gydag amrywiaeth eang o bobl sydd wedi profi ystod eang o anawsterau cymdeithasol/personol. Profiad o weithio gyda chymunedau amrywiol, gan gynnwys hyrwyddo cydraddoldeb a gwerthfawrogi amrywiaeth. Dealltwriaeth a gwerthfawrogiad o gydraddoldeb. Profiad o weithio gyda grwpiau neu unigolion er mwyn ysgogi a newid ymddygiad troseddu. Profiad o weithio gyda phobl sydd wedi cyflawni troseddau.
Gofynion technegol	Rhaid i chi feddu ar gymhwyster Swyddog Prawf neu fod yn Swyddog Prawf Cymwys. Hefyd, rhaid bod ymgeiswyr llwyddiannus yn meddu ar y canlynol: Gradd Anrhydedd/Diploma Graddedig PQF a Diploma Lefel 5 mewn Ymarfer Prawf; neu Diploma mewn Astudiaethau Prawf; neu Diploma mewn Gwaith Cymdeithasol (opsiwn prawf); neu CQSW (opsiwn prawf). Gwybodaeth a dealltwriaeth o waith y System Cyfiawnder Troseddol a’r Gwasanaeth Prawf. Gwybodaeth sylfaenol am y ddeddfwriaeth berthnasol a Safonau Cenedlaethol. Gwybodaeth am Ymarfer yn Seiliedig ar Dystiolaeth ac adnoddau asesu anghenion/risg.
Gallu

Cymwysterau Gofynnol

Peidiwch â newid y blwch hwn Bydd gwiriadau adnabod a diogelwch yn cael eu cynnal ar bob ymgeisydd cyn iddynt gychwyn swydd. Bydd rhaid i bob ymgeisydd allanol gwblhau cyfnod prawf o 6 mis. Bydd rhaid i ymgeiswyr mewnol gwblhau cyfnod prawf os nad ydynt eisoes wedi cwblhau cyfnod prawf i HMPPS. Bydd rhaid i'r holl staff ddatgan a ydynt yn aelod o grŵp neu sefydliad sy’n cael ei ystyried yn hiliol gan HMPPS.

Oriau Gwaith (Oriau Anghymdeithasol) a Lwfansau

Proffil Llwyddiant

Ymddygiadau	Cryfderau Argymhellir dewis cryfderau yn lleol, awgrymir 4-8	Gallu	Profiad	Technegol
Gwneud Penderfyniadau Effeithiol			Profiad o weithio gydag amrywiaeth eang o bobl sydd wedi profi ystod eang o anawsterau cymdeithasol/personol	Rhaid i chi feddu ar gymhwyster Swyddog Prawf neu fod yn Swyddog Prawf Cymwys
Newid a gwella			Profiad o weithio gyda chymunedau amrywiol, gan gynnwys hyrwyddo cydraddoldeb a gwerthfawrogi amrywiaeth.	Gradd Anrhydedd/Diploma Graddedig PQF a Diploma Lefel 5 mewn Ymarfer Prawf; neu Diploma mewn Astudiaethau Prawf; neu Diploma mewn Gwaith Cymdeithasol (opsiwn prawf); neu CQSW (opsiwn Prawf)
Cydweithio			Dealltwriaeth a gwerthfawrogiad o gydraddoldeb	Gwybodaeth a dealltwriaeth o waith y System Cyfiawnder Troseddol a’r Gwasanaeth Prawf
Cyflawni’n Gyflym			Profiad o weithio gyda grwpiau neu unigolion er mwyn ysgogi a newid ymddygiad troseddu	Gwybodaeth am Ymarfer yn Seiliedig ar Dystiolaeth ac adnoddau asesu anghenion/risg.
Cyfathrebu a dylanwadu			Profiad o weithio gyda phobl sydd wedi cyflawni troseddau	Gwybodaeth sylfaenol am y ddeddfwriaeth berthnasol a Safonau Cenedlaethol

PS-JES-0032 Probation Officer v8.0