Cyfeirnod y Ddogfen

NPS-JES-0098 Cydlynydd Lleoliadau Gwneud Iawn â’r Gymuned f2.0

Math o Ddogfen

Rheoli

Fersiwn

3.0

Dosbarthiad

Swyddogol - Sensitif

Dyddiad Cyhoeddi

9 Ionawr 2024

Statws

Gwaelodlin

Cynhyrchwyd gan

Y Tîm Cymorth a Sicrwydd Gwerthuso Swyddi

Awdurdodwyd gan

Y Tîm Gwobrwyo

Tystiolaeth ar gyfer y DS

Teitl y Swydd

Cydlynydd Lleoliadau Gwneud Iawn â’r Gymuned

Cyfarwyddiaeth

Y Gwasanaeth Prawf Cenedlaethol

Band

Band 3

Trosolwg o'r swydd

Mae hon yn rôl sydd â phroffil uchel yn y Gwasanaeth Prawf Cenedlaethol, ac mae’n gyfrifol am sefydlu a chynnal cysylltiadau gydag amrywiaeth o sefydliadau partner, cwsmeriaid a rhanddeiliaid nawr ac yn y dyfodol. Bydd yn golygu gweithio gydag amrywiaeth o sefydliadau gwirfoddol a statudol.

Bydd deiliad y swydd yn sicrhau bod digon o leoliadau gwaith ar gael sy’n bodloni’r safonau ansawdd a nodir yn y Canllawiau Gwneud Iawn â’r Gymuned er mwyn gallu cyflawni dedfryd y Llys yn effeithiol.

Bydd deiliad y swydd yn cefnogi’r Rheolwr Gwneud Iawn â’r Gymuned i sicrhau bod yr holl leoliadau Gwneud Iawn â’r Gymuned yn bodloni amcanion polisi’r sefydliad ac yn cydymffurfio â’r ddeddfwriaeth berthnasol.

Mae’n bosibl y bydd angen i ddeiliad y swydd weithio ar benwythnosau fel rhan o’r patrwm gwaith arferol.

Crynodeb

Bydd deiliad y swydd yn nodi ac yn sefydlu prosiectau gwaith yn y gymuned sy’n bodloni gofynion y Llawlyfr Gwneud Iawn â’r Gymuned. Mae hyn yn cynnwys monitro ac adolygu’r prosiectau presennol.

Bydd deiliad y swydd yn cynnal asesiadau iechyd a diogelwch perthnasol o leoliadau gwaith ac yn sicrhau y cydymffurfir â pholisi a deddfwriaeth iechyd a diogelwch y sefydliad.

Bydd deiliad y swydd yn goruchwylio trefn ymsefydlu’r lleoliad, gan ddiffinio tasgau ac arferion gweithio diogel yn ogystal â dyrannu a defnyddio’r offer a’r cyfarpar angenrheidiol yn briodol.

Cyfrifoldebau, Gweithgareddau a Dyletswyddau

• Canfod ac asesu ystod eang o leoliadau Gwneud Iawn â’r Gymuned addas, gan gynnwys y rhai sy’n darparu cyfle ar gyfer hyfforddiant i ddefnyddwyr gwasanaeth a chyflogaeth i’r dyfodol a lleoliadau sy'n briodol ar gyfer pobl sydd â nodweddion gwarchodedig

• Asesu hyfywedd y cyfleoedd i gynhyrchu incwm mewn lleoliadau newydd, trafod gyda buddiolwyr a rheoli’r broses er mwyn manteisio i’r eithaf ar y potensial hwn

• Cwblhau atodlen o arferion gweithio diogel ar gyfer y gwaith a chreu ffeil prosiectau yn unol â safonau Iechyd a Diogelwch.

• Hyrwyddo cysylltiadau cadarnhaol gyda buddiolwyr/ rhanddeiliaid; gan gynnwys cyfarfodydd ac ymweliadau safle yn ôl yr angen i reoli cysylltiadau â chwsmeriaid/rhanddeiliaid a hyrwyddo canfyddiad cadarnhaol o’r Gwasanaeth Prawf Cenedlaethol â rhwydweithiau cymunedol.

• Sicrhau y cynhelir amgylchedd gwaith diogel i staff, defnyddwyr gwasanaeth a buddiolwyr ar bob safle gwaith Gwneud Iawn â’r Gymuned yn unol â deddfwriaeth Iechyd a Diogelwch a pholisi’r Gwasanaeth Prawf Cenedlaethol .

• Sicrhau bod lleoliadau’n parhau i gydymffurfio â’r gofynion ansawdd, a chymryd camau yn ôl yr angen i wella neu derfynu lleoliadau lle nad oes modd bodloni’r safonau ansawdd.

• Bod yn gyfrifol am gydlynu offer, cyfarpar, dillad a chyfarpar diogelu personol priodol ynghyd ag adnoddau eraill a ddefnyddir yn ystod lleoliadau Gwneud Iawn â’r Gymuned, a sicrhau bod yr holl gyfarpar yn cydymffurfio â’r gofynion Iechyd a Diogelwch a bod defnyddwyr yn gwybod sut i ddefnyddio’r cyfarpar yn ddiogel.

• Sicrhau bod Hyfforddiant Iechyd a Diogelwch perthnasol yn cael ei ddarparu i staff mewn ymateb i anghenion ad hoc yn ogystal â’r hyn sy'n ofynnol gan y cynllun darparu gwasanaeth.

• Cefnogi ymchwiliadau i ddigwyddiadau Iechyd a Diogelwch a sicrhau bod digwyddiadau difrifol, gan gynnwys damweiniau fu bron â digwydd, yn cael eu hadrodd a bod y gwersi a ddysgwyd yn cael eu rhannu o fewn y tîm.

• Cefnogi dulliau electronig, cyfryngau cymdeithasol a dulliau arloesol eraill o dderbyn enwebiadau ar gyfer lleoliadau newydd gan y cyhoedd, ynghyd â hyrwyddo Gwneud Iawn â’r Gymuned, o fewn canllawiau’r Gwasanaeth Prawf Cenedlaethol.

• Cysylltu ag ymarferwyr prawf yn ôl yr angen i gyfnewid gwybodaeth a chynnal trefniadau gweithio priodol.

• Cymryd rhan mewn rota ar gyfer cynllunio, cyflwyno ac adolygu trefn ymsefydlu'r defnyddwyr gwasanaeth.

• Recriwtio, cefnogi a chydlynu Mentoriaid a fydd yn annog defnyddwyr gwasanaeth i gydymffurfio, ymgysylltu a chael mynediad at rwydweithiau cefnogi lleol.

• Ymgymryd â rôl goruchwylydd Gwneud Iawn â'r Gymuned lle bo angen er mwyn osgoi canslo lleoliadau gwaith am resymau gweithredol.

• Cyfrannu at hyfforddi goruchwylwyr a buddiolwyr Gwneud Iawn â'r Gymuned, fel sy’n briodol

Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosibl y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf.

Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Ymddygiadau

Rheoli Gwasanaeth o Safon

Cydweithio

Cyfathrebu a Dylanwadu

Cyflawni'n Gyflym

Gwneud Penderfyniadau Effeithiol

Cryfderau

Sylwch: rydym yn argymell eich bod yn dewis 4 i 8 cryfder yn lleol - dewiswch o’r rhestr o ddiffiniadau cryfderau’r Gwasanaeth Sifil ar y fewnrwyd

Profiad Hanfodol

• Trwydded Yrru y DU Heb fod yn Awtomatig

• Tystiolaeth o weithio fel rhan o dîm, rhannu arferion da, gwybodaeth am rwydweithiau cymunedol a’r sgiliau i hyrwyddo ethos tîm cryf.

• Enghreifftiau o gynnal cysylltiadau gwaith cadarnhaol gydag ystod o randdeiliaid (sefydliadau sy'n elwa) a chynrychioli’r sefydliadau mewn cyfarfodydd a Fforymau.

• Profiad o gynnal adolygiadau yn y gweithle i wneud penderfyniadau ynghylch cydymffurfio â safonau ansawdd

Gofynion technegol

• Iechyd a Diogelwch Sefydliad Iechyd a Diogelwch Galwedigaethol (IOSH) Lefel 3 neu gymhwyster Rheoli’n Ddiogel

• Gallu gyrru bws mini D1 ac ôl-gerbyd

• Wedi cymhwyso fel asesydd ar gyfer dyfarniadau NVQ ar gyfer defnyddwyr gwasanaeth e.e. y Rhwydwaith Coleg Agored

Gallu

Cymhwysedd Sylfaenol

• Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd.

• Bydd rhaid i bob ymgeisydd allanol gyflawni cyfnod prawf o 6 mis.  Bydd rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf yn HMPPS.

• Mae’n rhaid i'r holl staff ddatgan a ydynt yn aelod o grŵp neu fudiad y mae HMPPS yn ystyried eu bod yn hiliol.

Lwfansau Oriau Gwaith (Oriau Anghymdeithasol)

I’w adael yn wag

I’w ddefnyddio gan y Tîm Gwerthuso Swyddi yn unig

Ymddygiadau

Cryfderau

D.S. Canllaw yn unig yw’r isod. Argymhellir bod y cryfderau’n cael eu dewis yn lleol - argymhellir 4-8

Gallu

Profiad

Technegol

Rheoli Gwasanaeth o Safon

Dadansoddol

Trwydded Yrru y DU Heb fod yn Awtomatig

(IOSH) Lefel 3 neu gymhwyster Rheoli’n Ddiogel

Cydweithio

Cenhadaeth

Enghreifftiau o gynnal cysylltiadau gwaith cadarnhaol gydag ystod o randdeiliaid (sefydliadau sy'n elwa)

Gallu gyrru bws mini D1 ac ôl-gerbyd

Cyfathrebu a Dylanwadu

Trefnydd

Enghreifftiau o gynnal cysylltiadau gwaith cadarnhaol gydag ystod o randdeiliaid (sefydliadau sy'n elwa)

Wedi cymhwyso fel asesydd ar gyfer dyfarniadau NVQ ar gyfer defnyddwyr gwasanaeth e.e. y Rhwydwaith Coleg Agored

Cyflawni'n Gyflym

Gallu Datrys Problemau

Tystiolaeth o weithio fel rhan o dîm, rhannu arferion da, gwybodaeth am rwydweithiau cymunedol a’r sgiliau i hyrwyddo ethos tîm cryf

Gwneud Penderfyniadau Effeithiol