Swydd Ddisgrifiad

Band 4

Proffil Grŵp - Gweithiwr Achos

Swydd Ddisgrifiad - Gweithiwr Achos Rheoli Troseddwyr: Rheolwr Troseddwyr yn y Carchar

Cynhyrchwyd gan Y Tîm Gwerthuso Sicrwydd a Chymorth Swydd

Awdurdodwyd gan Y Tîm Dyfarnu

Tystiolaeth ar gyfer y SDd

Swydd Ddisgrifiad

Teitl Swydd	Gweithiwr Achos Rheoli Troseddwyr: Rheolwr Troseddwyr yn y Carchar
Proffil Grŵp	Gwaith achos
Lefel yn y Sefydliad	Cyflenwi
Band	4

Trosolwg o'r swydd	Bydd deiliad y swydd yn arwain y gwaith o reoli ac asesu rhai carcharorion risg isel i ganolig ac yn paratoi, gweithredu, adolygu a gwerthuso eu cynlluniau dedfrydu gyda nhw. Bydd deiliad y swydd yn meithrin perthnasoedd effeithiol, priodol a chefnogol gyda’r carcharorion, gyda’r nod o leihau aildroseddu. Bydd deiliad y swydd yn cefnogi swyddogion prawf yn unig wrth reoli achosion carcharorion risg uchel. Bydd deiliad y swydd wedi cael hyfforddiant dethol a hyfforddiant ychwanegol i gyflawni’r swydd gyflenwi arbenigol hon fel Rheolwr Troseddwyr yn y Carchar. Mae hon yn swydd anweithredol heb gyfrifoldebau rheolaeth linell. Bydd yn cynnal gweithgareddau/dyletswyddau rheolaidd gyda charcharorion.
Crynodeb	Dyma rai o’r tasgau cyffredin sy’n gysylltiedig â’r rôl hon: Goruchwylio, rheoli, cyfeirio a chynghori carcharorion yn briodol a diogel wrth gyflawni pob gweithgaredd. Deall, gweithredu a chydymffurfio â pholisïau lleol a chenedlaethol. Sefydlu, datblygu a chynnal perthnasoedd proffesiynol gyda'r carcharorion a’r staff. Cynnal a diweddaru systemau yn unol â chytundebau lleol. Paratoi dogfennau perthnasol i reolwyr at ddibenion gwirio/sicrhau ansawdd. Mynychu a chyfrannu at gyfarfodydd perthnasol fel y bo'r angen. Bydd yn asesu ac yn rheoli’r risg a berir gan droseddwyr i ddiogelu dioddefwyr troseddau a’r cyhoedd drwy’r canlynol: Rhoi gwybodaeth a chyngor i asiantaethau cyfiawnder troseddol eraill a sefydliadau partner Goruchwylio carcharorion tra byddant yn y carchar. Cyfrannu at reoli risg Gweithio gydag asiantaethau a grwpiau eraill i atal aildroseddu a diwallu anghenion dioddefwyr a throseddwyr.
Cyfrifoldebau, Gweithgareddau a Dyletswyddau	Bydd rhaid i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Cwblhau ystod lawn o dasgau rheoli troseddwyr gydag achosion risg isel i ganolig. Ni fydd unrhyw berchnogaeth ar achosion risg uchel, ond rhoddir cymorth i swyddogion prawf wrth reoli achosion carcharorion risg uchel pan fo angen. Fel Rheolwr Troseddwyr yn y Carchar, bod yn rhan o’r holl brosesau perthnasol yn y carchar, fel Asesu, Gofal yn y Ddalfa a Gwaith Tîm a lleihau trais/gwrth-fwlio ar gyfer y rheini sydd yn eich llwyth achos, os yw hyn yn berthnasol. Gweithredu fel Rheolwr Achos Asesu, Gofal yn y Ddalfa a Gwaith Tîm ar gyfer unigolion os yw’n briodol (ni ddylid defnyddio Rheolwyr Troseddwyr yn y Carchar fel Rheolwyr Achosion Asesu, Gofal yn y Ddalfa a Gwaith Tîm fel mater o drefn, dim ond pan fo’n briodol gwneud hynny). Cyfweld â charcharorion o fewn amserlenni penodol ar ôl iddynt gyrraedd. Gosod ac adolygu targedau gyda’r carcharorion a diweddaru'r nodiadau rheoli achosion ar PNOMIS neu systemau TG perthnasol.
	Defnyddio'r System Asesu Troseddwyr (OASys) i nodi risgiau a rheoli troseddwyr yn briodol. Cael rhagor o wybodaeth os oes angen gan asiantaethau allanol i gwblhau adroddiad OASys cynhwysfawr. Arwain y cyfarfod cynllunio dedfryd er mwyn paratoi ac adolygu cynlluniau priodol. Cydlynu’r gweithgareddau o fewn y cynllun dedfrydu drwy gysylltu â charcharorion ac adrannau ac asiantaethau eraill, yn cynnwys casglu a chyfnewid gwybodaeth a deall/ymchwilio i farn anghyson am y cynnydd a wnaed gan y carcharorion. Annog a chefnogi carcharorion i gymryd rhan mewn addysg, ymyriadau a gweithdai fel y’u diffinnir yn y cynllun dedfrydu. Datblygu strategaethau i helpu carcharorion i oresgyn eu hamharodrwydd i gymryd rhan. Darparu cyngor ac asesiad proffesiynol, yn cynnwys adroddiadau ysgrifenedig i asiantaethau cyfiawnder troseddol a sefydliadau partner. Cysylltu â Rheolwyr Troseddwyr Cymunedol ynghylch Rhyddhau ar Drwyddedau Dros Dro (ROTL) a Chyrffyw Cyfyngu i’r Cartref (HDC). Gwneud argymhellion i Reolwr y Carchar ar addasrwydd carcharorion i gael eu rhyddhau’n gynnar. Hysbysu’r asiantaethau perthnasol am ddyddiadau rhyddhau a chyfeiriad carcharorion yr ystyrir eu bod yn peri risg pan gânt eu rhyddhau. Cefnogi Rheolwyr Troseddwyr Cymunedol i gyflawni cynlluniau i alluogi carcharorion a gaiff eu galw’n ôl i gael eu rhyddhau unwaith eto. Cwblhau’r holl waith papur ar gyfer yr achosion, yn cynnwys gwaith papur sy’n benodol i garcharorion oes a charcharorion ar ddedfrydau canolraddol (ISP) yn unol â’r polisïau a’r safonau perthnasol a’r amserlenni a bennwyd. Tynnu sylw’r Pennaeth Rheoli Troseddwyr neu’r Swyddog Cynorthwyol at unrhyw garcharor sy’n peri pryder sylweddol yn sgil ei ymddygiad. Gallai’r pryderon ymwneud ag amrywiaeth o faterion, er enghraifft, unrhyw garcharor sydd wedi cyflwyno risg o hunanladdiad neu hunan-niwed yn y gorffennol, neu os oes unrhyw bryderon heb eu datrys ynghylch dioddefwyr neu droseddau pellach ac aflonyddu hiliol. Cyfrannu at Fyrddau Trefniadau Amlasiantaethol ar gyfer Amddiffyn y Cyhoedd (MAPPA) a’u mynychu a gweithio gyda phob asiantaeth allanol berthnasol i ddiogelu'r cyhoedd wrth ryddhau carcharorion o dan MAPPA. Cysylltu â’r adran Gwladolion Tramor neu ag Asiantaeth Ffiniau’r DU ynghylch carcharorion cenedlaethol tramor fel y bo’n briodol. Cynnal gwiriadau cyswllt plentyn er mwyn diogelu’r cyhoedd a rhannu gwybodaeth ddiogelu berthnasol ag awdurdodau. Ymgymryd â rôl y cynghorydd ailsefydlu ar gyfer carcharorion yn y llwyth achosion penodol. Llunio, datblygu a chynnal y cysylltiadau rhwng y rhaglenni, y cynnydd a gaiff ei wneud gan y cyfranogwyr neu fel arall a llwybr parhaus y carcharor drwy ei ddedfryd. Cydweithio â chydweithwyr a chynnal perthnasoedd tîm effeithiol, yn arbennig gyda Gweithwyr Allweddol. Dangos sgiliau modelu pro-gymdeithasol drwy atgyfnerthu ymddygiad ac agweddau pro-gymdeithasol a herio ymddygiad ac agweddau gwrth-gymdeithasol yn gyson. Defnyddio systemau cyfrifiadurol i lunio, diweddaru a chynnal cofnodion a dogfennau eraill o fewn amserlenni y cytunwyd arnynt. Gweithio yn unol â nodau a gwerthoedd HMPPS. Mae’r dyletswyddau/cyfrifoldebau a restrir uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol sydd ar lefel debyg a allai fod yn angenrheidiol. Efallai y bydd addasiadau sylweddol yn golygu y bydd angen ailystyried y swydd o dan y Cynllun Gwerthuso Swyddi, a chaiff hyn ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Saesneg neu'r Gymraeg (pan nodir hynny yng Nghymru).

Ymddygiadau	?	Gwneud Penderfyniadau Effeithiol
	?	Cydweithio
	?	Cyfathrebu a Dylanwadu
	?	Cyflawni'n Gyflym
	?	Rheoli Gwasanaeth o Safon
Cryfderau	Argymhellir bod y cryfderau’n cael eu dewis yn lleol, argymhellir 4-8.
Gallu	Gallu dadansoddi gwybodaeth gymhleth er mwyn gwneud asesiadau a phenderfyniadau. Gallu cyfathrebu’n glir ar lafar ac ar bapur gyda throseddwyr, gweithwyr proffesiynol ac mewn gwrandawiadau fel Byrddau Parôl. Gallu cydymdeimlo’n adeiladol â phobl o gefndiroedd amrywiol. Gallu cwblhau’r holl hyfforddiant gorfodol fel y bo’n ofynnol i gefnogi’r swydd.
Profiad	Profiad o weithio gydag amrywiaeth o bobl sydd wedi profi amrywiaeth o anawsterau cymdeithasol/personol, a defnyddio disgresiwn wrth ddelio â materion cyfrinachol a sensitif. Dealltwriaeth o ffactorau yn ymwneud â throseddu, e.e. camddefnyddio sylweddau, problemau llety. Dealltwriaeth o egwyddorion rheoli achosion ac ymrwymiad iddynt Gwybodaeth a dealltwriaeth o reoli risgiau/asesiadau risg yn ymwneud â throseddwyr a’r effaith ar ddioddefwyr trosedd. Profiad o gynllunio a chydlynu gwaith. Profiad o weithio gyda grwpiau neu unigolion er mwyn ysgogi a newid ymddygiad. Profiad o weithio gyda chymunedau amrywiol yn cynnwys hyrwyddo cydraddoldeb a gwerthfawrogi amrywiaeth Gwybodaeth a dealltwriaeth o waith y system cyfiawnder troseddol. Profiad o weithio gyda phobl sydd wedi troseddu. Wedi cael Hyfforddiant Staff Ymwybyddiaeth o Ferched (WASP) os byddwch chi’n gweithio mewn sefydliad i ferched. Wedi cael hyfforddiant Rhaglen Staff Ymwybyddiaeth o’r Ifanc (JASP) ac amddiffyn plant os byddwch chi’n gweithio mewn sefydliad i Bobl Ifanc. Gwybodaeth ymarferol o ddeddfwriaeth berthnasol a’r Safonau Cenedlaethol. Gwybodaeth o Ymarfer Seiliedig ar Dystiolaeth ac adnoddau asesu risgiau/anghenion.
Technegol	Dymunol - Cymhwyster/cymwysterau academaidd lefel uwch.

Cymhwysedd Sylfaenol

Peidiwch â newid y blwch hwn Bydd archwiliadau adnabod a diogelwch yn cael eu cynnal ar bob ymgeisydd cyn y bydd yn cychwyn swydd. Bydd rhaid i bob ymgeisydd allanol gwblhau cyfnod prawf o 6 mis. Bydd rhaid i ymgeiswyr mewnol gwblhau cyfnod prawf os nad ydynt eisoes wedi cwblhau cyfnod prawf yng Ngwasanaeth Carchardai a Phrawf EF. Mae’n rhaid i’r holl staff ddatgan a ydynt yn aelod o grŵp neu sefydliad sy’n cael ei ystyried yn hiliol gan Wasanaeth Carchardai a Phrawf EF.

Oriau Gwaith (Oriau Anghymdeithasol) Lwfansau

I’w adael yn wag I’w ddefnyddio gan y Tîm Gwerthuso Swyddi (JES) yn unig

Proffil Llwyddiant

Ymddygiadau	Cryfderau Argymhellir bod y cryfderau’n cael eu dewis yn lleol - argymhellir 4-8	Gallu	Profiad	Technegol
Gwneud Penderfyniadau Effeithiol		Gallu dadansoddi gwybodaeth gymhleth er mwyn gwneud asesiadau a phenderfyniadau.	Profiad o weithio gydag amrywiaeth o bobl sydd wedi profi amrywiaeth o anawsterau cymdeithasol/personol, a defnyddio disgresiwn wrth ddelio â materion cyfrinachol a sensitif.	Dymunol - Cymhwyster/cymwysterau academaidd lefel uwch.
Cydweithio		Gallu cyfathrebu’n glir ar lafar ac ar bapur gyda throseddwyr, gweithwyr proffesiynol ac mewn gwrandawiadau fel Byrddau Parôl.	Dealltwriaeth o ffactorau yn ymwneud â throseddu, e.e. camddefnyddio sylweddau, problemau llety.
Cyfathrebu a Dylanwadu		Gallu cydymdeimlo’n adeiladol â phobl o gefndiroedd amrywiol.	Dealltwriaeth o egwyddorion rheoli achosion ac ymrwymiad iddynt.
Cyflawni'n Gyflym		Gallu cwblhau’r holl hyfforddiant gorfodol fel y bo’n ofynnol i gefnogi’r swydd.	Gwybodaeth a dealltwriaeth o reoli risgiau/asesiadau risg yn ymwneud â throseddwyr a’r effaith ar ddioddefwyr trosedd.
Rheoli Gwasanaeth o Safon			Profiad o gynllunio a chydlynu gwaith.
			Profiad o weithio gyda grwpiau neu unigolion er mwyn ysgogi a newid ymddygiad.
			Profiad o weithio gyda chymunedau amrywiol yn cynnwys hyrwyddo cydraddoldeb a gwerthfawrogi amrywiaeth

OR-JES-2255-JD-B4 : CW : Offender Management: Prison Offender Manager v3.0

			Gwybodaeth a dealltwriaeth o waith y system cyfiawnder troseddol.
			Profiad o weithio gyda phobl sydd wedi troseddu.
			Wedi cael Hyfforddiant Staff Ymwybyddiaeth o Ferched (WASP) os byddwch chi’n gweithio mewn sefydliad i ferched.
			Wedi cael hyfforddiant Rhaglen Staff Ymwybyddiaeth o’r Ifanc (JASP) ac amddiffyn plant os byddwch chi’n gweithio mewn sefydliad i Bobl Ifanc.
			Gwybodaeth ymarferol o ddeddfwriaeth berthnasol a’r Safonau Cenedlaethol.
			Gwybodaeth o Ymarfer Seiliedig ar Dystiolaeth ac adnoddau asesu risgiau/anghenion.

OR-JES-2255-JD-B4 : CW : Offender Management: Prison Offender Manager v3.0