Gwasanaeth Llysoedd

a Thribiwnlysoedd EF


Gwasanaeth Llysoedd a Thribiwnlysoedd Ei Fawrhydi



Lefel Is-glwstwr


Teitl Swydd: Arweinydd Tîm


Mae hwn yn swydd ddisgrifiad cyffredinol ac mae’n cynnwys cwmpas gwaith tebygol y deiliad swydd.



Ystod cyflog neu gyfwerth: Band EO


Cefndir


Cafodd y Gwasanaeth Tribiwnlysoedd a’r Gwasanaeth Llysoedd Ei Fawrhydi eu hintegreiddio i un Asiantaeth, Gwasanaeth Llysoedd a Thribiwnlysoedd Ei Fawrhydi ar 1 Ebrill 2011. Mae dod â’r ddau sefydliad hyn at ei gilydd wedi dileu dyblygu mewn swyddogaethau rheoli a chynyddu effeithlonrwydd y weinyddiaeth, sydd wedi galluogi GLlTEF i leihau’r hyn mae’n ei wneud i ffwrdd o’r rheng flaen yn sylweddol.


O ganlyniad i hyn, mae yna ddisgwyliadau mawr ar yr holl staff waeth beth yw eu swydd ac fe ddisgwylir i bawb berfformio’n dda. Mae’r sefydliad yn mabwysiadu ffyrdd newydd neu well o weithio yn gyson er mwyn sicrhau ei fod yn canolbwyntio ar yr hyn sy’n hanfodol yn unig.


Bydd angen i staff EO arddangos ymrwymiad i bedwar prif egwyddor: Newid parhaus, yr Egwyddorion LEAN, rheoli ansicrwydd a gwella perfformiad. Rhaid i’r unigolion a benodir i rolau newydd o fewn GLlTEF ymrwymo o ddifri i'r egwyddorion hyn a chyflwyno tystiolaeth o hyn yn eu cais.


Trosolwg


Fel sefydliad newydd mae GLlTEF ar ddechrau cyfnod o newid sylweddol. Mae’n rhaid cael arweinyddiaeth gref er mwyn i hyn fod yn llwyddiannus. Bydd disgwyl i’r rhai hynny sydd â chyfrifoldeb am reoli staff ddarparu arweiniad a ffocws clir a chefnogi'r newidiadau fydd yn cyflawni gwell effeithiolrwydd. Mae Cyfarwyddwyr Cyflawni GLlTEF yn disgwyl i reolwyr y sefydliad weithredu'n onest ac yn agored; disgwylir iddynt arddangos ymrwymiad i newid drwy gynnwys a grymuso eraill a chyflawni canlyniadau.


Prif bwrpas y rôl yw


Arwain a rheoli tîm o staff, gan sicrhau bod ei aelodau’n drefnus, ac yn gwbl fedrus i gyflawni eu hamcanion gwaith, gan ddefnyddio Lean, Byrddau gwybodaeth tîm, Gweithdrefnau gweithredu safonol


Prif gyfrifoldebau


Gweithrediadau

  • Arwain ar weithredu arferion, gweithdrefnau a safonau gweinyddol effeithlon a chyson, adnabod a gweithredu datrysiadau i broblemau a nodwyd.

  • Rheoli adnoddau (gan gynnwys staff a chyfleusterau) i sicrhau gwasanaeth ardderchog i gwsmeriaid, randdeiliaid, y farnwriaeth a’r rheolwyr.

  • Monitro meysydd perfformiad allweddol, dadansoddi tueddiadau perfformiad a gwneud argymhellion ar gyfer gwella i'r Rheolwr Cyflawni.

  • Cynnal adolygiadau parhaus o weithdrefnau ac arferion gwaith a rheoli mentrau a deddfwriaeth newydd.

  • Rhoi cyngor ysgrifenedig a llafar i ymholiadau gan staff a defnyddwyr GLlTEF.

  • Cyfrannu at gyflawni targedau gweithredol, perfformiadol a safon gwasanaethau.

  • Darparu data ystadegol i’r tîm rheoli a’r farnwriaeth.

  • Delio gydag unrhyw broblemau llety sy'n codi a chysylltu ag ystadau / cyfleusterau a/neu gontractwyr yn ôl y gofyn.

  • Cyfrannu at y cynllun busnes, gan ganolbwyntio'n benodol ar faes gwaith y tîm.

  • Monitro ac adrodd yn rhagweithiol ar raglen sicrhau GLlTEF a chyfrannu at ddatblygiad parhaus.

  • Sicrhau fod y system rheoli risgiau a’r safonau’n cael eu defnyddio gan yr holl staff yn unol â pholisi GLlTEF/MOJ.

  • Sicrhau Llywodraethu a Sicrwydd ynghylch derbyn a throsglwyddo arian a data personol yn ddiogel.

  • Rhybuddio eraill, fel y bo’n briodol, i risgiau nad ydynt yn gallu cael eu datrys yn lleol.

  • Dirprwyo ar gyfer y Rheolwr Cyflawni yn ôl yr angen.

  • Delio â chwsmeriaid a chwynion a mynd i’r afael â beth ddigwyddodd i achosi i rywun wneud cwyn.

  • Cymhwyso egwyddorion, arfau a thechnegau LEAN i arferion gwaith er mwyn gwella effeithiolrwydd gweithrediadau

Arwain Tîm

  • Arwain tîm o staff gan sicrhau bod pawb yn drefnus ac yn meddu ar yr holl sgiliau i gyflawni eu hamcanion gwaith Rheoli perfformiad y tîm a pherfformiad unigolion yn effeithiol a delio ag unrhyw faterion sy’n dod i’r amlwg yn unol â pholisi AD.

  • Neilltuo cyfrifoldebau dros weithredu a monitro cynnydd yn erbyn cynlluniau.

  • Sicrhau bod systemau rheoli perfformiad a gwobrwyo a chydnabod yn cael eu defnyddio’n effeithiol drwy gydol maes cyfrifoldeb, gan sicrhau safonau cyson drwy feincnodi, ac annog a gwobrwyo syniadau a chreadigrwydd da.

  • Cynllunio, cydlynu a threfnu hyfforddiant a sesiynau datblygu i staff. Sicrhau bod anghenion hyfforddi a datblygu staff gan gynnwys staff newydd yn cael eu nodi a’u bodloni.

  • Adnabod potensial staff a’u datblygu yn unol ag anghenion busnes ac anghenion unigol.

  • Nodi anghenion recriwtio a materion cadw, asesu gofynion adnoddau yn erbyn y galw.

  • Bod yn gyfrifol am faterion iechyd a diogelwch y tîm a'u hamgylchedd gwaith uniongyrchol.

  • Cymryd rhan mewn gweithgareddau ymgysylltu â staff er mwyn datblygu perthnasau gwaith da gyda staff ac er mwyn gwella darpariaeth gwasanaeth a morâl/cymhelliant y staff.

  • Sicrhewch fod staff yn ymwybodol o amcanion strategol GLlTEF/a'u diweddaru mewn perthynas â negeseuon corfforaethol.

  • Bod yn fodel rôl ar gyfer gwerthoedd GLlTEF, a rhoi polisïau a gweithdrefnau GLlTEF ar waith (gan gynnwys amrywiaeth, presenoldeb a disgyblaeth)

  • Mae disgwyl i holl staff Band EO gyflawni rolau rheoli eraill yn ogystal â'u rôl eu hunain.

Prosesu a rheoli gwaith achos

  • Gweithio gyda’r staff er mwyn sicrhau bod achosion yn cael eu rheoli’n briodol, a darparu cyngor lle mae gwyriadau wedi digwydd yn y broses.

Cyfrifo a dadansoddi

  • Adnabod a gweithredu atebion i broblemau lleol a chyfeirio problemau cymhleth at Reolwr Cyflawni’r Clwstwr

Cyfathrebu gyda’r cyhoedd, rheithgorau, y farnwriaeth, defnyddwyr llys a thribiwnlys eraill a chynrychiolwyr asiantaethau a sefydliadau eraill

  • Cynnal perthynas waith effeithiol â'r farnwriaeth, asiantaethau cefnogi, grwpiau gwirfoddol a grwpiau defnyddwyr Gweithio gydag asiantaethau i wella lefel y gwasanaeth a gynigir i ddefnyddwyr

  • Rhoi adborth i staff, aelodau’r farnwriaeth a rhanddeiliaid eraill ar berfformiad yn erbyn targedau.

  • Meddwl y tu hwn i’ch ardal cyfrifoldeb eich hun, ystyried polisïau eraill a goblygiadau sefydliadol i broblemau.

  • Mynychu a chyfrannu mewn cyfarfodydd Grwpiau Defnyddwyr perthnasol.

Cynrychiolaeth

  • Cynrychioli’r swyddogaeth yr ydych wedi cael eich aseinio iddo ar lefel weithredol.

Arbenigedd

  • Gwybodaeth ymarferol o’r swyddogaethau a gyflawnir o fewn y Clwstwr er mwyn cefnogi datblygiad ac adolygiad polisïau a gweithdrefnau

  • Ymgymryd â swyddogaethau penodol yn dilyn cyfarwyddyd gan y rheolwr llinell yn unol â'r SOP ar gyfer darparu'r gwasanaeth hwnnw.

Atebolrwydd

  • Riportio i’r Rheolwr Cyflawni


Dyletswyddau eraill


Mae gofyn i ddeiliad y swydd weithio mewn ffordd hyblyg ac ymgymryd ag unrhyw ddyletswyddau rhesymol eraill, ar gais rheolwr llinell, sy’n gymesur â gradd a lefel cyfrifoldeb y swydd hon.



Cyflawni Gweithredol yn GLlTEF


Mae’r rôl hon yn rhan o’r Proffesiwn Cyflawni Gweithredol. Yr unigolion hyn yw wyneb allanol y llywodraeth gan eu bod yn darparu gwasanaethau hanfodol i’r cyhoedd mewn amryw o rolau gwahanol. Maent yn gweithio mewn amryw o wahanol adrannau ac asiantaethau ar draws y DU, yn darparu gwasanaethau i gwsmeriaid mewn



Mae bod yn rhan o’r proffesiwn cyflawni gweithredol yn golygu eich bod yn perthyn i gymuned traws-lywodraethol o bobl. Bydd yn gyfle i chi gael mynediad i wybodaeth am safonau proffesiynol, datblygu sgiliau a chymwysterau fydd yn eich helpu chi i barhau i wella eich datblygiad a'ch perfformiad ac estyn eich opsiynau gyrfa.


upload_09168a61_50ff_4498_9328_e214441328ec_00085639.tmp