C yfeirnod y Swydd: OPC-SEO-02

Pwy ydyn ni?

Bwrdd Cyfiawnder Ieuenctid (BCI) Cymru a Lloegr yw’r corff cyhoeddus sy’n cynghori Gweinidogion, gan gynnwys yr Ysgrifennydd Gwladol dros Gyfiawnder, ar y system cyfiawnder ieuenctid. Ein huchelgais yw gweld system cyfiawnder ieuenctid â’r Plentyn yn Gyntaf. System sy’n edrych ar gryfderau plant ac yn cefnogi plant i fod y fersiwn gorau ohonynt eu hunain. I’r perwyl hwn rydym yn ymgysylltu ag amrywiaeth eang o sefydliadau, partneriaid a phartïon sydd â diddordeb mewn cyfiawnder ieuenctid; rydym yn rhannu arferion da, yn hyrwyddo gwelliannau ac yn rhoi grantiau.

Ein Gweledigaeth

Gweithio i sicrhau system cyfiawnder ieuenctid sy’n gweld plant fel plant, yn eu trin yn deg ac yn eu helpu i adeiladu ar eu cryfderau er mwyn iddynt allu gwneud cyfraniad adeiladol i gymdeithas. Bydd hyn yn atal troseddu ac yn creu cymunedau mwy diogel gyda llai o ddioddefwyr.

Nodau’r System Cyfiawnder Ieuenctid

Atal troseddu gan blant a phobl ifanc:

• Lleihau nifer y plant yn y system cyfiawnder troseddol

• Lleihau aildroseddu gan blant yn y system cyfiawnder troseddol

• Gwella diogelwch a lles plant yn y system cyfiawnder troseddol

• Gwella canlyniadau plant yn y system cyfiawnder troseddol

Ydych chi’n ystyried ymuno â ni?

Mae ein proses recriwtio yn seiliedig ar deilyngdod, rydym yn croesawu ceisiadau gan bawb sy’n gallu ymrwymo i’n gweledigaeth a’n gwerthoedd. Rydym yn cynnig hyblygrwydd sylweddol o ran sut rydych chi’n gweithio, ac rydym yn disgwyl ymrwymiad a hyblygrwydd yn gyfnewid am hynny. Rydym yn parhau i ymdrechu i sicrhau tegwch, amrywiaeth a chynhwysiant yn ein diwylliant a’n grŵp staff. I’r perwyl hwn, rydym yn annog ceisiadau gan y bobl hynny sydd â nodweddion gwarchodedig. Mae ein staff yn weision cyhoeddus, yn gymwys ar gyfer cynllun pensiwn y Gwasanaeth Sifil ac rydym wedi cael ein hachredu gan Gomisiwn y Gwasanaeth Sifil. Mae hyn yn golygu bod ceisiadau o bob rhan o Adrannau’r Gwasanaeth Sifil, eu hasiantaethau a Chyrff Hyd Braich yn cael eu trin fel ymgeiswyr mewnol. Rydym hefyd yn croesawu ceisiadau gan y rheini nad ydynt yn gweithio yn y cyrff hyn na’r sector cyhoeddus ar hyn o bryd.

Pwrpas y Swydd:-

Mae eich swydd yn allweddol i sicrhau bod y BCI yn gallu cyflawni ei ddyletswydd statudol i ddarparu cyngor i weinidogion ar y system cyfiawnder ieuenctid a hyrwyddo ymarfer effeithiol. Bydd eich gwaith yn cyfrannu at ein nodau o ran:

• lleihau nifer anghymesur y plant o leiafrifoedd ethnig sydd yn y system cyfiawnder ieuenctid,

• lleihau aildroseddu,

• gwella adsefydlu,

• rhoi cyngor ar leihau trais difrifol

• rhoi cyngor ar welliannau yn y ffordd y mae’r sector yn gweithredu, a

• gweithio tuag at ddull Plentyn yn Gyntaf yn y system cyfiawnder ieuenctid.

Cyd-destun y Swydd:

Byddwch yn gweithio yn ein cyfarwyddiaeth Gweithrediadau a byddwch yn gweithio ar y cyd ag eraill yn y sector cyfiawnder ieuenctid ac yn y BCI megis Cyfarwyddiaethau Gwybodaeth a Dealltwriaeth Busnes, Strategaeth a Phortffolio i gasglu gwybodaeth i gefnogi’r gwaith o fonitro perfformiad, ac ymgysylltu’n briodol i wella perfformiad, cefnogi goruchwyliaeth o’r system, darparu sicrwydd yn erbyn perfformiad gwasanaethau cyfiawnder ieuenctid a chefnogi swyddogaethau’r BCI o ran darparu cyngor a chefnogi ymarfer effeithiol, cefnogi’r gwaith o greu'r sylfaen dystiolaeth ar gyfer ein cyngor.

Gweithgareddau a pherthnasoedd allweddol

Gan ddefnyddio eich sgiliau dylanwadu, ymgysylltu a datrys problemau, byddwch yn:-

• mynd ati’n rhagweithiol i ddatblygu atebion arloesol i ddatrys materion cymhleth ym maes cyfiawnder ieuenctid.

• defnyddio eich sgiliau i ddylanwadu a goruchwylio materion gweithredol allweddol

• cynnal llwyth achosion o Wasanaethau Cyfiawnder Ieuenctid lleol ac yn ymgymryd â’r canlynol:

  • monitro cydymffurfiad:

• Safonau ar gyfer Plant mewn Cyfiawnder

• Telerau ac amodau’r Grant Craidd Cyfiawnder Ieuenctid

• Dangosydd Perfformiad Allweddol ar lefel gwasanaeth

• monitro cynnydd yn erbyn:

• Darparu’r Cynllun Cyfiawnder Ieuenctid

• Cynlluniau gweithredu hunanasesu Safonau ar gyfer Plant mewn Cyfiawnder

• Cynlluniau gwella ar ôl arolygiad

• cynrychioli’r Bwrdd Cyfiawnder Ieuenctid ar:

  • Fyrddau Rheoli Partneriaethau Cyfiawnder Ieuenctid

  • Paneli craffu (er enghraifft, Datrysiadau y Tu Allan i’r Llys), a

  • Byrddau partneriaeth rhanddeiliaid allweddol perthnasol

• darparu arweinyddiaeth a goruchwyliaeth ar y canlynol:

  • Achosion difrifol

  • Gweithgarwch gwella

  • Datblygu Fforymau Ymarfer

• meithrin perthynas waith ragorol â chydweithwyr ar draws y BCI gan gynnwys ein Penaethiaid Goruchwylio Cyfiawnder Ieuenctid rhanbarthol, a’n partneriaid allanol yn y system cyfiawnder ieuenctid (SCI). Wrth wneud hynny, byddwch yn gwella ein sylfaen dystiolaeth ac yn adeiladu ar ein dealltwriaeth o’r llwyddiannau a’r materion a wynebir gan y SCI. Byddwch yn gwneud yn siŵr bod yr wybodaeth a’r ddealltwriaeth sydd gennych chi am y SCI yn cael eu rhannu’n briodol â chydweithwyr er mwyn gwella ein dealltwriaeth a’n galluogi i gadw ein safle fel yr unig sefydliad sy’n goruchwylio’r SCI cyfan.

• defnyddio eich sgiliau a’ch cryfderau i ymgysylltu’n llwyddiannus â rhanddeiliaid, dadansoddi a dehongli gwybodaeth gymhleth o amrywiaeth o ffynonellau, gan nodi a rhannu arferion effeithiol sy’n seiliedig ar dystiolaeth, ynghyd â’ch dealltwriaeth o’r system cyfiawnder ieuenctid yng Nghymru a Lloegr.

• Bob amser, dangos cefnogaeth a pharch at ymrwymiad y BCI i degwch, cynhwysiant ac amrywiaeth y BCI a’i bartneriaid.

• Bod yn gyfrifol am wneud yn siŵr eich bod yn deall ac yn glynu wrth eich cyfrifoldebau o ran iechyd a diogelwch a diogelu data.

• Gweithio’n gadarnhaol ac ar y cyd â chydweithwyr BCI yng Nghymru a Lloegr ac ystyried effaith datblygiadau ar bolisi, ymarfer a deddfwriaeth sy’n benodol i Gymru.

• Gweithio’n hyblyg. Mae pob swydd yn y BCI yn rhai hyblyg i sicrhau bod gofynion y busnes yn cael eu bodloni felly efallai y bydd gofyn i chi gyflawni dyletswyddau eraill yn eich rôl, neu eich dyletswyddau mewn rhannau eraill o'r busnes ar eich graddfa er mwyn bodloni blaenoriaethau'r busnes.

Disgwylir teithio i leoliadau rhanddeiliaid allanol a swyddfeydd y BCI fel rhan o’r swydd.

Prif Gyfrifoldebau

Manylion y broses ddethol

Mae’r swydd hon yn defnyddio Proffiliau Llwyddiant, a byddant yn asesu eich Sgiliau Technegol, Ymddygiadau, Cryfderau a Phrofiad.

Bydd dwy ran i’r broses asesu:

1. Cais (gweler isod)
   
   

2. Cyfweliad (gweler isod)
   
   

Cais

Darparwch

• CV

• Enghreifftiau ysgrifenedig sy’n dangos, mewn dim mwy na 250 gair, pob un o’r ymddygiadau hanfodol canlynol yn y gwasanaeth sifil: Cyfathrebu a Dylanwadu (250 gair) Gweld y Darlun Mawr (250 gair) a Newid a Gwella (250 gair) a Gweithio Gyda’n Gilydd.

• Datganiad (dim mwy na 500 gair) o sut rydych chi’n bodloni’r ‘meini prawf hanfodol: Technegol, Profiad a Gallu’ fel yr amlinellir yn y disgrifiad swydd

• (Os derbynnir nifer fawr o geisiadau, gellir didoli i ddechrau ar sail yr ymddygiad arweiniol: Cyfathrebu a Dylanwadu a Meini Prawf Hanfodol)

Cyfweliad

Ar gyfer ymgeiswyr sy’n cyrraedd cam y cyfweliad, bydd yn gyfweliad cyfunol, fydd yn cynnwys rhagor o fanylion am eich cais ac am ymddygiadau’r Gwasanaeth Sifil, a chryfderau fel y disgrifir yn y Proffiliau Llwyddiant - GOV.UK (www.gov.uk) (mae hwn yn fath penodol iawn o gyfweliad, gwnewch yn siŵr eich bod yn ymwybodol o’r rhain ymlaen llaw).

Rhestr wrth gefn

Mae’n bosibl y bydd yr ymgeiswyr hynny sy’n llwyddo i ddangos yn y cyfweliad, yr ymddygiadau, y cryfderau a’r meini prawf hanfodol sy’n ofynnol gan y BCI ar gyfer y swydd, ond nad ydynt yn cael eu dewis fel yr ymgeisydd llwyddiannus, yn cael eu hychwanegu at restr wrth gefn am 12 mis. Gellir cysylltu ag ymgeiswyr ar restr wrth gefn a chynnig swydd sy’n ddigon tebyg, heb fod angen gwneud cais eto, o fewn yr amserlen.

Meini Prawf Hanfodol

Technegol:

• Gwybodaeth/dealltwriaeth o’r System Cyfiawnder Ieuenctid yng Nghymru a’r modd y mae’n rhyngweithio â gwasanaethau ehangach

Profiad:

• Profiad o gasglu a dadansoddi gwybodaeth neu ddata cymhleth yn gywir er mwyn gwneud argymhellion i wella ymarfer

Gallu:

• Ysgrifennu adroddiadau clir a chryno gydag argymhellion clir ar gyfer gwella

• Gallu defnyddio MS Office.

• Sgiliau cyfathrebu cadarn

• Sgiliau trefnu cadarn

Ymddygiadau:

Cyfathrebu a Dylanwadu (Ymddygiad Arweiniol)

Gweld y Darlun Ehangach

Cydweithio

Newid a Gwella

Manteision gweithio i’r Bwrdd Cyfiawnder Ieuenctid

• Cyfle i weithio mewn sefydliad sy’n ceisio gwneud gwahaniaeth cadarnhaol i fywydau plant sydd mewn perygl o ddod i mewn i’r system cyfiawnder ieuenctid ac sydd ynddi eisoes

• Polisïau sy’n deg i’r teulu, gan gynnwys cyfleoedd i weithio’n hyblyg. Mae llawer o’n staff yn cyfuno gweithio o’n swyddfeydd naill ai yn Llundain neu yng Nghymru, neu’n gweithio o un o Ganolfannau Cydweithredu’r Weinyddiaeth Gyfiawnder/Swyddfeydd Lloeren ledled y wlad, gyda gweithio gartref; oriau cywasgedig, gweithio rhan amser

• Cynllun Pensiwn y Gwasanaeth Sifil, a/neu drosglwyddo gwasanaeth parhaus Cynllun Pensiwn y Gwasanaeth Sifil fel y bo’n berthnasol

• Gwyliau blynyddol o 25 diwrnod y flwyddyn a gwyliau cyhoeddus (neu i’r rheini sy’n trosglwyddo’n uniongyrchol yn ochrol o Adrannau’r Gwasanaeth Sifil, eu Hasiantaethau, eu Cyrff Hyd Braich a Chyrff Cyhoeddus Anadrannol, gallwn ni, yn amodol ar gadarnhad, gyfateb i’r hawl gwyliau blynyddol presennol, hyd at 30 diwrnod

• Fel Corff Cyhoeddus Anadrannol achrededig, yn amodol ar gadarnhad, gallwn dderbyn eich gwasanaeth di-dor gan adrannau eraill y Gwasanaeth Sifil, eu hasiantaethau ac ALB/NDBP (ond mae pawb sy’n ymuno o’r newydd yn ymuno ar 37 awr yr wythnos/ pro-rata ar gyfer rhan-amser)

• Cynllun bonws cydnabyddiaeth arbennig

• Absenoldeb arbennig ar gyfer argyfyngau heb eu cynllunio ac ar gyfer gwaith gwirfoddol

• Rhaglen Cymorth i Weithwyr sy’n cynnig cefnogaeth a chyngor cyfrinachol ar faterion personol a gwaith ac iechyd galwedigaethol

• Cynlluniau iechyd a lles fel brechu rhag y ffliw

• Profion llygaid am ddim a thalebau gofal llygaid i weithwyr sy’n defnyddio unedau arddangos gweledol (VDU)

• Benthyciadau tocyn tymor di-log

• Datblygiad proffesiynol rheolaidd

• Cefnogaeth Rheoli Achosion Adnoddau Dynol Proffesiynol i reolwyr