Disgrifiad Swydd (DS)

Band 8

Proffil Grŵp: Pennaeth Swyddogaeth ar y Safle (HOFC)

Disgrifiad Swydd: HOFC: Addysg, Sgiliau a Gwaith

Lluniwyd gan Y Tîm Gwerthuso Sicrwydd a Chymorth Swydd

Awdurdodwyd gan Y Tîm Dyfarnu

Tystiolaeth ar gyfer y Disgrifiad Swydd

Disgrifiad Swydd

Teitl Swydd	HOFC: Addysg, Sgiliau a Gwaith
Proffil Grŵp	Pennaeth Swyddogaeth ar y Safle
Lefel yn y Sefydliad	Rheoli Swyddogaethol
Band	8

Trosolwg o’r swydd	Mae hon yn swydd rheoli swyddogaethol mewn sefydliad. Byddwch yn gyfrifol am ddarparu addysg, sgiliau a gwaith o ansawdd uchel, yn unol ag anghenion carcharorion ac yn unol â fframweithiau a safonau rhanbarthol, cenedlaethol ac Ofsted, a hynny er mwn cefnogi carcharorion i gael gwaith ar ôl cael eu rhyddhau. Mae hon yn swydd sy’n weithredol neu'n anweithredol gyda chyfrifoldebau rheolaeth linell. Os yw’n weithredol, gweler y gofynion technegol. Ni fydd y swydd hon yn cylchdroi.
Crynodeb	Bydd deiliad y swydd yn gyfrifol am bennu ac arwain y cyfeiriad strategol ar gyfer yr holl addysg, sgiliau a gwaith yn y carchar. Bydd hyn yn cynnwys datblygu dull cydlynol o weithio yn holl feysydd Addysg, Sgiliau a Gwaith, gan sicrhau bod dilyniant gweithgareddau’n bwrpasol ac wedi’i anelu at fanteisio i’r eithaf ar gyfleoedd carcharorion i gael cyflogaeth, addysg a hyfforddiant ar ôl eu rhyddhau. Rhaid i ddeiliad y swydd sicrhau bod yr holl weithgareddau Addysg, Sgiliau a Gwaith wedi’u strwythuro o amgylch 5 colofn Fframwaith Arolygu Addysg Ofsted, gan gefnogi penaethiaid swyddogaeth eraill yn y carchar i fanteisio i’r eithaf ar y dull hwn mewn meysydd lle mae carcharorion yn byw a rhyngweithio cymdeithasol. Bydd deiliad y swydd yn gweithio gyda darparwyr addysg, diwydiannau carchardai a mentrau preifat lleol i wneud y defnydd mwyaf priodol o weithdai a lleoliadau gwaith eraill y carcharorion i ddarparu’r addysg a’r sgiliau angenrheidiol i garcharorion allu cystadlu ac i gael gwaith yn y farchnad lafur leol. Fel aelod o'r Uwch Dîm Rheoli, bydd deiliad y swydd yn cyfrannu at amcanion ei Swyddogaeth ac yn eu gweithredu fel y'u diffinnir yng nghynllun busnes y sefydliad.
Cyfrifoldebau, Gweithgareddau a Dyletswyddau	Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Bod yn gyfrifol am bennu ac arwain y cyfeiriad strategol ar gyfer yr holl addysg, sgiliau a gwaith yn y carchar. Bod yn gyfrifol am greu dulliau effeithiol o ddysgu ac addysgu yn unol â gweledigaeth a gwerthoedd addysg y GCPEF, yn ogystal â chyfarwyddebau rhanbarthol a chenedlaethol, a datblygu strategaeth gydlynol sy’n seiliedig ar dystiolaeth ar gyfer yr holl addysg, sgiliau a gwaith fel bod y dysgu, y sgiliau a’r cymwysterau a geir mewn gwaith carchar yn cynyddu’r cyfleoedd ar gyfer cyflogaeth ar ôl cael eu rhyddhau. Bod yn gyfrifol am gyflawni’r swyddogaethau/llwybrau cysylltiedig canlynol mewn carchar yn unol â chanllawiau a fframweithiau cenedlaethol, ac mewn ffordd sy’n diwallu anghenion defnyddwyr. Bydd hyn yn cynnwys Addysg, Niwroamrywiaeth, Cyflogaeth ar ôl Rhyddhau, Gwaith yn y Carchar/Diwydiannau, Ffermio a Gerddi, ond heb fod yn gyfyngedig i hynny. Gweithio mewn partneriaeth strategol â’r Pennaeth Lleihau Aildroseddu a Phennaeth Swyddogaethau eraill ar draws pob un o’u cyfrifoldebau i fanteisio i’r eithaf ar addysg, sgiliau a chyfleoedd gwaith, i leihau aildroseddu a chefnogi carcharorion i adsefydlu’n effeithiol. Gweithio gyda’r Llywodraethwr Llywodraethu i sicrhau’r nifer mwyaf posibl o achosion Rhyddhau ar Drwydded Dros Dro (ROTL): a datblygu strategaeth i gefnogi mwy o bobl sy’n gadael carchar i gyflogaeth ar ôl eu rhyddhau.
	Bod yn gyfrifol am reoli ansawdd y ddarpariaeth addysg, sgiliau a gwaith (ESW) gan ddefnyddio meini prawf Fframwaith Arolygu Addysg Ofsted, gan gynnwys darparu arweiniad ac arbenigedd i uwch dîm arwain y carchar i sicrhau bod gofynion fframwaith arolygu Ofsted yn cael eu blaenoriaethu. Bod yn gyfrifol am arwain ar archwiliadau, gan gynnwys paratoi a bwrw ymlaen â’r gwaith o gyflawni camau gweithredu sy’n deillio ohonynt. Mae hyn yn cynnwys Archwiliad Safonol, Arolygiaeth Carchardai Ei Fawrhydi (HMIP), OFSTED/Estyn, Cynlluniau Gweithredu ac arolygon Rheoli Ansawdd Bywyd yn y Carchar (MQPL) . Bod yn gyfrifol am sicrhau bod diwylliant cyflogaeth yn cael ei gynnal yn y carchar, a bod yn gyfrifol am ganlyniadau carcharorion mewn perthynas â chyflogaeth ar ôl rhyddhau. Cyfrifoldeb dros arwain Arweinydd Cyflogaeth y Carchar (PEL) i wreiddio’r diwylliant hwn, gan ddefnyddio’r Hwb Cyflogaeth (EH) a manteisio i’r eithaf ar berthynas y carchar â’r Rhwydwaith Dyfodol Newydd, y Gwasanaeth Prawf, darparwyr y Gwasanaeth Adsefydlu Cymunedol a rhanddeiliaid a rhwydweithiau addysg/cyflogaeth eraill sy’n cefnogi’r rhai sy’n gadael y carchar. Bod yn gyfrifol am sicrhau bod Diwydiannau Carchardai, Manwerthu, Gwasanaethau Arlwyo ac Addysg Gorfforol, y Rhwydwaith Dyfodol Newydd a gwaith mentrau preifat lleol yn cael eu darparu mewn gweithdai carchar. Bod yn gyfrifol am reolaeth llinell a datblygu’r holl staff o fewn y swyddogaeth, gan ddatblygu diwylliant o ddisgwyliadau uchel a chymryd camau priodol pan fo perfformiad yn anfoddhaol. Yn ddibynnol ar achrediad gweithredol, bydd yn ymgymryd â rhai neu’r cyfan o dasgau rheoli eraill, gan gynnwys: Gweithredu fel cynrychiolydd y Llywodraethwr drwy gadeirio dyfarniadau a bod yn gyfrifol am weithrediadau’r sefydliad o ddydd i ddydd fel Llywodraethwr ar Ddyletswydd Hyrwyddo polisïau’r Gwasanaeth Carchardai ym mhob gweithgaredd ac ymddygiad e.e. hyrwyddo agendâu gwedduster, diogelwch, amrywiaeth a chynhwysiant a lleihau aildroseddu Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae’n bosibl y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Ymddygiadau	Arweinyddiaeth Cydweithio Newid a Gwella Gwneud Penderfyniadau Effeithiol
Cryfderau	Argymhellir bod y cryfderau’n cael eu dewis yn lleol, argymhellir 4-8.
Profiad	Profiad o weithredu ar lefel uwch neu ganolig mewn lleoliadau addysg ôl-16 ac addysg bellach gan gynnwys y sectorau cymunedol a gwirfoddol. Gwybodaeth fanwl am Fframwaith Arolygu Addysg a meini prawf sgiliau ac addysg bellach OFSTED/Estyn. Profiad o gydweithio ag amrywiaeth o randdeiliaid, gan gynnwys uwch arweinwyr, sefydliadau allanol, staff a myfyrwyr. Profiad sylweddol o ddatblygu a chyflwyno cwricwlwm effeithiol a diddorol ar gyfer ystod eang o ddysgwyr. Profiad o ddefnyddio data i bennu canlyniadau addysg clir a monitro cynnydd tuag atynt. Profiad o weithredu newid o fewn cyd-destun addysgol. Gwybodaeth a dealltwriaeth o sut mae Fframwaith Arolygu Addysg Ofsted/Estyn yn berthnasol i garchar.
	Gwybodaeth a dealltwriaeth o feini prawf addysg a sgiliau pellach OFSTED/Estyn ar gyfer carcharorion ag Anghenion Dysgu Ychwanegol a sut mae’r rhain yn berthnasol yng nghyd-destun y carchar. Profiad o weithredu strategaethau i helpu dysgwyr i sicrhau ‘camau nesaf’ ystyrlon (e.e., hyfforddiant pellach, cyflogaeth). Sylwch, efallai y bydd gofyn i ddeiliad y swydd gwblhau hyfforddiant pellach ar ôl dechrau yn y swydd.
Gofynion technegol	TAR, Tystysgrif Addysg neu Lefel 5 mewn Addysg a Hyfforddiant. Os yw’n Weithredol Rhaid ennill achrediad llwyddiannus drwy basio Canolfan Asesu’r Pennaeth Swyddogaeth (HFAC), neu, cyn 2016, fod wedi cael ei achredu fel Rheolwr Gweithredol (neu mewn swydd G5 cyn 1999). Lle cafwyd achrediad HFAC o 2018 ymlaen, rhaid llwyddo hefyd yn yr asesiad Rheoli Digwyddiadau Trefn Rheoli Arian (IMSC) i fod yn gymwys ar gyfer rolau Pennaeth Swyddogaeth gweithredol. Cwblhau'r llyfr gwaith yn llwyddiannus. Wrth drosglwyddo i sefydliad Pobl Ifanc, bydd gofyn i ddeiliad y swydd gael ei asesu’n llwyddiannus i ddangos ei fod yn addas i weithio gyda Phobl Ifanc.
Gallu	Tystiolaeth amlwg o arloesi ac effaith mewn cyd-destun addysgol. Sgiliau cyfathrebu cadarn ar bapur, ar lafar a heb fod ar lafar.

Cymhwysedd Sylfaenol

Peidiwch â newid y blwch hwn Bydd archwiliadau adnabod a diogelwch yn cael eu cynnal ar bob ymgeisydd cyn iddynt gychwyn swydd. Bydd rhaid i bob ymgeisydd allanol gwblhau cyfnod prawf o 6 mis. Bydd rhaid i ymgeiswyr mewnol gwblhau cyfnod prawf os nad ydynt eisoes wedi cwblhau cyfnod prawf yn HMPPS. Mae’n rhaid i'r holl staff ddatgan a ydynt yn aelod o grŵp neu fudiad y mae HMPPS yn ystyried eu bod yn hiliol.

Oriau Gwaith (Oriau Anghymdeithasol) Lwfansau

Wythnos waith 37 awr. Lwfans Oriau Gofynnol (deiliaid swyddi gweithredol yn unig) - I’w gadarnhau gan y Rheolwr Recriwtio. Fel rhan o’r swydd hon bydd rhaid gweithio oriau anghymdeithasol yn rheolaidd, a bydd taliad ar gyfradd gymeradwy gyfredol y sefydliad yn cael ei ychwanegu at eich cyflog sylfaenol i gydnabod hyn. Mae oriau anghymdeithasol yn golygu oriau sydd ddim rhwng 07.00 a 19.00 o’r gloch o ddydd Llun i ddydd Gwener, ac yn cynnwys gweithio gyda’r nos, dros nos, ar benwythnosau ac yn ystod gwyliau Banc/Cyhoeddus.

Proffil Llwyddiant

Ymddygiad	Cryfderau Argymhellir bod y cryfderau’n cael eu dewis yn lleol - argymhellir 4-8	Gallu	Profiad	Technegol
Arweinyddiaeth		Tystiolaeth amlwg o arloesi ac effaith mewn cyd-destun addysgol	Profiad o weithredu ar lefel uwch neu ganolig mewn lleoliadau addysg ôl-16 ac addysg bellach gan gynnwys y sectorau cymunedol a gwirfoddol.	TAR, Tystysgrif Addysg neu Lefel 5 mewn Addysg a Hyfforddiant.
Cydweithio		Sgiliau cyfathrebu cadarn ar bapur, ar lafar a heb fod ar lafar.	Gwybodaeth fanwl am Fframwaith Arolygu Addysg a meini prawf sgiliau ac addysg bellach OFSTED/Estyn.	Os yw’n Weithredol Rhaid ennill achrediad llwyddiannus drwy basio Canolfan Asesu’r Pennaeth Swyddogaeth (HFAC), neu, cyn 2016, fod wedi cael ei achredu fel Rheolwr Gweithredol (neu mewn swydd G5 cyn 1999). Lle cafwyd achrediad HFAC o 2018 ymlaen, rhaid llwyddo hefyd yn yr asesiad Rheoli Digwyddiadau Trefn Rheoli Arian (IMSC) i fod yn gymwys ar gyfer rolau Pennaeth Swyddogaeth gweithredol.
Newid a Gwella			Profiad o gydweithio ag amrywiaeth o randdeiliaid, gan gynnwys uwch arweinwyr, sefydliadau allanol, staff a myfyrwyr.	Cwblhau'r llyfr gwaith yn llwyddiannus.
Gwneud Penderfyniadau Effeithiol			Profiad sylweddol o ddatblygu a chyflwyno cwricwlwm effeithiol a diddorol ar gyfer ystod eang o ddysgwyr.	Wrth drosglwyddo i sefydliad Pobl Ifanc, bydd gofyn i ddeiliad y swydd gael ei asesu’n llwyddiannus i ddangos ei fod yn addas i weithio gyda Phobl Ifanc.

OR-JES-3093-JD-B8 : HOFC : Education, Skills and Work v1.0

			Profiad o weithredu newid o fewn cyd-destun addysgol.
			Gwybodaeth a dealltwriaeth o sut mae Fframwaith Arolygu Addysg Ofsted/Estyn yn berthnasol i garchar.
			Gwybodaeth a dealltwriaeth o feini prawf addysg a sgiliau pellach OFSTED/Estyn ar gyfer carcharorion ag Anghenion Dysgu Ychwanegol a sut mae’r rhain yn berthnasol yng nghyd-destun y carchar.
			Profiad o weithredu strategaethau i helpu dysgwyr i sicrhau ‘camau nesaf’ ystyrlon (e.e., hyfforddiant pellach, cyflogaeth).
			Sylwch, efallai y bydd gofyn i ddeiliad y swydd gwblhau hyfforddiant pellach ar ôl dechrau yn y swydd.

OR-JES-3093-JD-B8 : HOFC : Education, Skills and Work v1.0