Swydd Ddisgrifiad

Teitl y Swydd	Cydlynydd Partneriaeth Iechyd a Chyfiawnder
Cyfarwyddiaeth	Gwasanaeth Prawf
Band	Band 5

Trosolwg o'r Swydd	Mae deiliad y swydd yn arweinydd strategol ar gryfhau a datblygu llwybrau parhad gofal fel bod modd i’r rheini sy’n gadael y carchar allu cael triniaeth a chymorth ar ôl cael eu rhyddhau, fel rhan o nodau’r sefydliad ar gyfer lleihau/torri’r cylch aildroseddu. Fel rôl strategol o fewn y Gwasanaeth Prawf (GP), mae deiliaid y swydd yn atebol i'r Pennaeth Integreiddio Cymunedol. Bydd y swydd yn un rhanbarthol ac yn cael ei lleoli mewn swyddfa prawf gyda'r disgwyl y bydd deiliaid y swydd yn teithio yn ôl y galw, gan gynnwys ymweliadau rheolaidd â charchardai penodol. Yn unol â pholisïau a gweithdrefnau’r GP, rhaid i ddeiliad y swydd bob amser ddangos ymrwymiad i gydraddoldeb a chynhwysiant, a dealltwriaeth o berthnasedd y rhain i‘r gwaith y maent yn ei wneud.
Crynodeb	Bydd disgwyl i ddeiliad y swydd arwain ar barhad llwybrau gofal gan weithio ar y cyd â phartneriaid lleol perthnasol a chydweithwyr yn y Gwasanaeth Carchardai a Phrawf EF i ddatblygu arferion mewn perthynas â chamddefnyddio sylweddau a chynlluniau ar gyfer rhyddhau sy’n gysylltiedig ag iechyd. Mae hyn yn cynnwys dylunio ac ymgynghori ar brosesau fel bod modd rhannu gwybodaeth, gwella’r defnydd o amodau trwydded sy’n ymwneud â chamddefnyddio sylweddau ac iechyd, a deall llwybrau ailsefydlu sy’n gysylltiedig â chamddefnyddio sylweddau ac iechyd. Rhaid i ddeiliad y swydd lynu wrth yr holl bolisïau mewn perthynas â natur sensitif/cyfrinachol yr wybodaeth y bydd yn delio â hi tra bydd yn gweithio yn y swydd hon.
Cyfrifoldebau, Gweithgareddau a Dyletswyddau	Bydd gofyn i ddeiliad y swydd gyflawni’r cyfrifoldebau, y gweithgareddau a’r dyletswyddau a ganlyn: Datblygu cysylltiadau effeithiol gyda phartneriaid allweddol gan gynnwys carcharorion, pobl ar brawf, carchardai, darparwyr triniaeth yn y ddalfa a’r gymuned a chomisiynwyr i ganfod cyfleoedd i wella cydgysylltu, arloesi’n lleol a llywio ffrydiau gwaith blaenoriaeth cenedlaethol yn eu blaen. Arwain trafodaethau strategol gyda phartneriaid a rhanddeiliaid i sicrhau dull system gyfan o ddarparu llwybrau iechyd a chyfiawnder o’r ddalfa i’r gymuned. Defnyddio data perfformiad i lywio gweithgarwch i wella ymarfer y gwasanaeth prawf a charchardai a bod yn sail i waith partneriaeth. Gan ganolbwyntio'n benodol ar gamddefnyddio sylweddau a pharhad llwybrau gofal. Bydd hyn hefyd yn cynnwys ymgysylltu â charcharorion a phobl sydd ar brawf i ddeall sut mae gwella llwybrau iechyd a chamddefnyddio sylweddau. Arwain ar weithio ar y cyd gydag iechyd a phartneriaid sy'n gysylltiedig â chamddefnyddio sylweddau i ddylunio partneriaeth iechyd a chyfiawnder mwy integredig, gan ganolbwyntio ar barhad llwybrau gofal. Lle mae’r gwasanaeth yn bodoli, sbarduno gwelliannau o ran integreiddio gwasanaethau rhwng y gwasanaeth prawf a GIG Lloegr a Gwasanaeth Reconnect NHS Improvement. Nodi cyfleoedd arloesi ac arferion da i wella’r llwybrau parhad gofal yn gysylltiedig â chamddefnyddio sylweddau ac iechyd. Gyrru'r rhain yn eu blaen yn lleol a’u rhannu â thimau cenedlaethol. Darparu rhyngwyneb allweddol rhwng timau Iechyd Troseddwyr Cenedlaethol yn y Gwasanaeth Carchardai a Phrawf a darpariaeth prawf rhanbarthol. Mae hyn yn cynnwys uwchgyfeirio pryderon ac anghenion lleol a sicrhau y cyfathrebir ac y cyflawnir gweithgarwch cenedlaethol y cytunwyd arno.

	Cynyddu dealltwriaeth o fewn y Gwasanaeth Prawf o arferion da a llwybrau iechyd a chamddefnyddio sylweddau i gefnogi parhad gofal, gan fod yn bwynt cyswllt arbenigol ar draws y rhanbarth ar gyfer y Gwasanaeth Prawf a'i bartneriaid. Gyrru gwaith partneriaeth gydag Arweinwyr Strategaeth Cyffuriau’r carchardai ac arweinwyr PGD gan gynnig cyngor a chefnogaeth i reoli’r broses o drosglwyddo i’r gymuned er mwyn gwella parhad gofal yn gysylltiedig â chamddefnyddio sylweddau. Mae’r dyletswyddau/cyfrifoldebau a restrir uchod yn disgrifio’r swydd fel y mae ar hyn o bryd ac ni fwriedir i’r rhestr fod yn holl gynhwysfawr. Mae disgwyl i ddeiliad y swydd dderbyn addasiadau rhesymol a thasgau ychwanegol sydd ar lefel debyg a allai fod yn angenrheidiol. Efallai y bydd addasiadau sylweddol yn golygu y bydd angen ailystyried y swydd dan y Cynllun Gwerthuso Swyddi, a chaiff hyn ei drafod yn y lle cyntaf â deiliad y swydd.
Ymddygiad	Newid a Gwella Cyfathrebu a Dylanwadu Cydweithio Arweinyddiaeth Gweld y Darlun Ehangach
Cryfderau	Cynghorir dewis cryfderau'n lleol, argymhellir 4-8
Profiad	Wedi gweithio gyda charcharorion neu’r rheini sy’n ymwneud â’r system cyfiawnder troseddol gyda chefndir llwyddiannus o ymarfer da mewn amrywiaeth o leoliadau. Profiad o weithio ar draws grwpiau rhanddeiliaid ac Adrannau Eraill y Llywodraeth. Sgiliau dylanwadu rhagorol, gan ddangos y gallu i ddelio’n effeithiol â gwrthdaro a chyflawni amcanion. Profiad o weithio dan bwysau a chyflawni terfynau amser heriol gyda phrofiad o osod nodau a chyflawni targedau. Profiad o weithio’n hyblyg fel aelod o dîm i gyrraedd targedau perfformio. Profiad o gyflawni newid ar draws sefydliadau mawr a nifer o randdeiliaid. Tystiolaeth o’r gallu i werthuso ymarfer. Profiad amlwg o reoli/cefnogi newid a sicrhau gwelliannau o ran ansawdd ac effeithlonrwydd. Gallu dangos sgiliau TG datblygedig, gan gynnwys tystiolaeth o’r gallu i ddehongli a defnyddio adroddiadau perfformiad. Profiad o hyrwyddo amrywiaeth a chynwysoldeb yn rhagweithiol, yn fewnol ac yn allanol. Gwybodaeth am lwybrau iechyd ar gyfer y rheini sy’n gadael y carchar, yn enwedig ar gyfer camddefnyddio sylweddau ac iechyd meddwl, gan gynnwys y partneriaid allweddol cysylltiedig. Dealltwriaeth gadarn o brosesau prawf, gan gynnwys cynllunio ar gyfer rhyddhau.
Technegol
Gallu
Cymhwyster Sylfaenol	Bydd archwiliadau adnabod a diogelwch yn cael eu cynnal ar bob ymgeisydd cyn y bydd yn dechrau yn y swydd. Bydd pob ymgeisydd allanol ar gyfnod prawf o chwe mis. Bydd ymgeiswyr mewnol ar brawf onid ydynt eisoes wedi bod ar gyfnod prawf yn y Gwasanaeth Carchardai a Phrawf. Mae’n rhaid i’r holl staff ddatgan a ydynt yn aelod o grŵp neu sefydliad y mae'r Gwasanaeth Carchardai a Phrawf yn ystyried eu bod yn hiliol.
Lwfans Oriau Gwaith (Oriau Anghymdeithasol)	I'w gadael yn wag. I'w ddefnyddio gan y Tîm Gwerthuso Swyddi (JES) yn unig.