Teitl y Swydd

NVI: Hyfforddwr Rheoli Gwastraff ac Ailgylchu

Proffil Grŵp

Hyfforddwr Analwedigaethol

Lefel y Sefydliad

Cyflawni

Band

3

Trosolwg o’r swydd

Mae hon yn swydd anweithredol mewn sefydliad.

Bydd deiliad y swydd yn gyfrifol am oruchwylio carcharorion yn yr amgylcheddau rheoli gwastraff ac ailgylchu mewn sefydliad. Bydd gofyn iddo drosglwyddo gwybodaeth a sgiliau i garcharorion i sicrhau bod gwastraff yn cael ei gasglu’n ddiogel ac yn effeithiol a’i waredu’n briodol.

Mae rhai unedau rheoli gwastraff yn darparu cymwysterau (neu hyfforddiant hyd at lefel gyfatebol). Bydd y gwaith hwn yn cael ei gyflawni gan Hyfforddwr Cynhyrchu Arbenigol (SPI) ac ni fydd yn cael ei wneud gan ddeiliad y swydd. Yr SPI hefyd ddylai gynghori’r sefydliad ar arferion, deddfwriaeth a gwaredu gwastraff/ailgylchu, yn ogystal â chydymffurfio â’r Economi Gylchol a Chyflwyno Data.

Bydd carcharorion sy’n gweithio tuag at gymhwyster yn y maes hwn yn cael eu hasesu gan Hyfforddwyr Cynhyrchu Arbenigol. Fodd bynnag, efallai y bydd gofyn i ddeiliad y swydd gyfrannu datganiadau cefnogol ar gyfer asesiadau.

Er bod hon yn swydd anweithredol mewn sefydliad heb unrhyw gyfrifoldebau rheolaeth llinell, bydd gan ddeiliad y swydd gyfrifoldebau rheoli gweithdy a charcharorion. Nid yw hon yn rôl sy'n cylchdroi.

Crynodeb

Bydd deiliad y swydd yn gallu briffio carcharorion yn yr Uned Rheoli Gwastraff ar yr hyn a ddisgwylir ganddynt. Bydd disgwyl iddo feithrin perthynas effeithiol, briodol a chefnogol â’r carcharorion sy'n ffurfio’r gweithlu drwy eu rheoli mewn modd rhagweithiol a hyrwyddo’r agenda gwedduster.

Bydd yn cyfrannu at gynllunio dedfrydau a lleihau aildroseddu. Bydd yn dilyn arferion carcharu diogel ac yn cydymffurfio â safonau diogelwch cenedlaethol a lleol. Bydd yn gyfrifol am lefel uwch o ddiogelwch, trefn dda a glendid yn y gweithdai.

Cyfrifoldebau, Gweithgareddau a Dyletswyddau

Bydd yn rhaid i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol:

• Goruchwylio a hebrwng carcharorion i gasglu, prosesu a gwaredu gwastraff/ailgylchu o bob ardal y tu mewn i’r sefydliad. Cydymffurfio â’r holl ddeddfwriaeth, gweithdrefnau a pholisïau Iechyd a Diogelwch er mwyn sicrhau amgylchedd gweithio diogel.

• Cofnodi’n gywir yr holl wastraff sy’n cael ei symud o’r safle, gan gynnwys pwysau, cost a refeniw. Cyfrannu at fesurau rheoli ar gyfer gwastraff sydd dan gyfyngiadau a darnio gwastraff cyfrinachol.

• Monitro, cynnal a chadw a rhoi cyfrif am holl offer, cyfarpar a deunyddiau crai y gweithdy, gan sicrhau diogelwch bob amser.

• Agor a rheoli ardal y gweithdy, dosbarthu offer, goruchwylio a hebrwng grwpiau gwaith carcharorion, a goruchwylio safon eu gwaith yn unol â gweithdrefnau lleol.

• Cymryd rhan yn y gwaith o ddewis, cynefino a hyfforddi carcharorion ar gyfer y gweithdy, gan gynnwys iechyd a diogelwch, COSHH, defnyddio peiriannau ac offer, amcanion WMU, disgyblaeth yn y gweithdy, codi a chario, a PPE.

• Darparu cymorth, dysg a hyfforddiant wedi’i deilwra’n benodol i garcharorion, gosod amserlenni gwaith, a rheoli targedau a safonau ansawdd.

• Goruchwylio a rheoli carcharorion i sicrhau eu diogelwch, eu cymhelliant, eu disgyblaeth, eu harfarniad a’u datblygiad, gan gynnwys cynnal chwiliadau yn ôl yr angen.

• Cyfrannu at adroddiadau carcharorion, cynllunio dedfrydau a pharôl, a chwblhau dogfennau perthnasol fel rhai ACCT (Asesiadau, Gofal yn y Carchar a Gwaith Tîm), SIR (Gwybodaeth am Ddiogelwch), IEP (Cymhellion a Breintiau a Enillir), monitro’r drefn, cofnodion hyfforddi a thracwyr/llyfrau cynnydd.

• Rheoli adnoddau gweithdai drwy ofyn am ddeunyddiau, cynnal lefelau stoc, cofnodi presenoldeb, cymeradwyo oriau a chyflogau carcharorion, a darparu cymorth gweinyddol gan gynnwys cysylltu â chontractwyr.

• Sicrhau prosesau cyfathrebu a diogelwch effeithiol drwy weithio offer radio, cefnogi cynlluniau wrth gefn lleol, hebrwng contractwyr technegol, gweithredu fel bancsmon, a gyrru cerbydau ystadau a pheiriannau yn ôl yr angen.

Mae’r dyletswyddau/cyfrifoldebau a restrir uchod yn disgrifio’r swydd fel y mae ar hyn o bryd, ac ni fwriedir iddynt fod yn hollgynhwysfawr. Disgwylir i ddeiliad y swydd dderbyn addasiadau rhesymol a thasgau ychwanegol sydd ar lefel debyg a allai fod yn angenrheidiol. Os bydd addasiadau sylweddol, mae’n bosibl y bydd angen ystyried y swydd unwaith eto o dan y Cynllun Gwerthuso Swyddi, a bydd hynny’n cael ei drafod gyda deiliad y swydd yn gyntaf.

Gallu cyflawni holl agweddau llafar y swydd yn hyderus drwy gyfrwng y Saesneg neu'r Gymraeg (yng Nghymru).

Ymddygiad

• Datblygu eich Hun ac Eraill

• Cyfathrebu a Dylanwadu

• Cydweithio

• Rheoli Gwasanaeth o Safon

• Gweld y Darlun Ehangach

Cryfderau

Rydym yn argymell eich bod yn dewis 4 i 8 cryfder yn lleol.

Profiad

• Gallech fod wedi cwblhau cwrs codi a chario ac ymwybyddiaeth sylfaenol o ddiogelwch, ac wedi cael hyfforddiant technegau torri’n rhydd.

Gofynion technegol

• Dangos gwybodaeth sylfaenol am yr Hierarchaeth Gwastraff

• Deall beth yw Trwyddedau Gwastraff ac Eithriadau

• Cydymffurfio â pholisïau a rheoliadau Iechyd a Diogelwch fel Rheoli Sylweddau Peryglus i Iechyd (COSHH).

Gallu

• Sgiliau TG

• Mathemateg Sylfaenol

• Saesneg Sylfaenol

Meini Prawf Sylfaenol

Peidiwch â newid y blwch hwn

• Bydd archwiliadau i wirio pwy ydych chi ac archwiliadau diogelwch yn cael eu cynnal ar bob ymgeisydd cyn y bydd yn cychwyn ar y swydd.

• Bydd yn rhaid i bob ymgeisydd allanol gyflawni cyfnod prawf o 6 mis.  Bydd rhaid i ymgeiswyr mewnol gyflawni cyfnod prawf os nad ydyn nhw eisoes wedi cyflawni cyfnod prawf o fewn HMPPS.

• Mae’n rhaid i’r holl staff ddatgan a ydynt yn aelod o grŵp neu sefydliad sy’n cael ei ystyried yn hiliol gan HMPPS.

Lwfansau Oriau Gwaith (Oriau Anghymdeithasol)

Wythnos waith 37 awr (safonol).

Bydd y Rheolwr Recriwtio yn cadarnhau’r trefniadau Gweithio Oriau Anghymdeithasol, a dim ond pan fydd hynny’n berthnasol y bydd tâl am hynny:

Gweithio Orau Anghymdeithasol

Mae’r rôl hon yn gofyn am weithio oriau anghymdeithasol yn rheolaidd a bydd taliad ar gyfradd gyfredol gymeradwy’r sefydliad yn cael ei wneud yn ychwanegol at eich cyflog sylfaenol i gydnabod hyn.

Mae oriau anghymdeithasol yn golygu oriau nad ydynt rhwng 07.00 a 19.00 o’r gloch o ddydd Llun i ddydd Gwener, ac yn cynnwys gweithio gyda’r nos, dros nos, ar benwythnosau ac yn ystod gwyliau Banc/Cyhoeddus.