Disgrifiad Swydd y Gwasanaeth Prawf


Teitl y Swydd	Rheolwr Gweithrediadau Gwaith Di-dâl
Cyfarwyddiaeth	Gwasanaeth Prawf
Band	5


Trosolwg o'r swydd	Gweithredu a rheoli’r cyfeiriad strategol ar gyfer Gwaith Di-dâl, gan sicrhau bod gofynion contractau’n cael eu cyflawni’n effeithlon ac yn unol â safonau ac ansawdd penodol i gefnogi’r amcan cyffredinol o leihau aildroseddu. Bydd deiliad y swydd hon yn adrodd yn uniongyrchol i Bennaeth Gwaith Di-dâl ei ranbarth. Bydd ganddo gyfrifoldeb rheoli llinell uniongyrchol dros dîm symudol a gwasgaredig sy’n gweithio ar draws y rhanbarth. Bydd angen gweithio y tu allan i oriau o bryd i’w gilydd ar rota dyletswydd ar-alwad i sicrhau bod staff sy’n gweithio ar eu pen eu hunain yn gallu cael gafael ar gymorth gan reolwr.
Crynodeb	Sicrhau bod gofynion y llys yn cael eu cyflawni drwy asesu a chynllunio amrywiaeth eang o leoliadau gwaith pwrpasol, sy’n bodloni gofynion iechyd a diogelwch ac yn sicrhau eu bod mor hygyrch â phosibl er mwyn ateb anghenion amrywiol pobl ar brawf. Gweithio mewn partneriaeth ag asiantaethau eraill a rhanddeiliaid lleol i sicrhau bod ansawdd y ddarpariaeth a pherfformiad gwasanaethau gwaith di-dâl yn cyrraedd targedau cytundebol a bod canlyniadau da yn cael eu cyflawni i bobl ar brawf i’w galluogi i wneud iawn i’w cymunedau. Rheoli’r tîm Gwaith Di-dâl yn gyffredinol er mwyn darparu gwasanaeth o safon uchel, gan weithio’n effeithlon ar yr un pryd â chreu amgylchedd gwaith diogel i staff a phobl sydd ar brawf.
Cyfrifoldebau, Gweithgareddau a Dyletswyddau	Efallai y bydd gofyn i Reolwr Gweithrediadau Gwaith Di-dâl ymgymryd ag unrhyw gyfuniad, neu bob un o’r dyletswyddau a’r cyfrifoldebau isod. Darparu rheolaeth ac arweiniad effeithiol i’r tîm a bod yn atebol am sicrhau ansawdd arferion da a pherfformiad tîm. Bod yn atebol am gyflawni gorchymyn y llys yn ddiogel ac yn effeithiol a’r holl risgiau cysylltiedig gan gynnwys risg i enw da, sefydliad, y cyhoedd a diogelwch staff. Bod yn atebol am y cyswllt statudol â fforymau amlasiantaethol rheoli risg. Cydweithio â rhanddeiliaid mewnol ac allanol i gynyddu ymwybyddiaeth o Waith Di-dâl, er enghraifft gydag awduron adroddiadau llys, dedfrydwyr ac asiantaethau partner. Ymgysylltu ag amrywiaeth o bartneriaid cymunedol gan gynnwys swyddfa’r Comisiynydd Heddlu a Throseddu, fforymau awdurdodau lleol a phartneriaethau diogelwch cymunedol i hyrwyddo’r gwasanaeth, negodi cytundebau partneriaeth ac i greu cyfleoedd ar gyfer lleoliadau newydd sydd o fudd i’r cymunedau lleol. Goruchwylio fel rheolwr, pa mor addas yw’r troseddwr i dalu yn ôl i’r gymuned, gan gynnwys lleoli troseddwyr risg uchel a’r rheini sydd â risg benodol neu anghenion eraill. Recriwtio staff a rheoli eu datblygiad, eu perfformiad, eu presenoldeb, cysylltiadau gweithwyr a materion amrywiaeth yn rhagweithiol, yn unol â pholisïau Adnoddau Dynol. Goruchwylio’r gwaith o ddatblygu ac asesu prosiectau addas a darparu rôl a chyfeiriad arweiniol wrth weithio gyda phartneriaid a rhanddeiliaid allweddol, a chynrychioli’r Gwasanaeth Prawf fel sy’n briodol i’r rôl. Bod yn atebol am reoli asedau, fflyd ac offer, a sicrhau’r dull mwyaf effeithlon o ddarparu gwasanaethau drwy gysoni adnoddau â’r galw mewn ffordd gost-effeithiol gan gyflawni nodau strategol y sefydliad ar yr un pryd.

PS-JES-0099 Rheolwr Gweithrediadau Gwaith Di-dâl f2.0

Gweithio gyda’r Cynghorydd Iechyd a Diogelwch rhanbarthol, y Pwyllgor Iechyd a Diogelwch a chydweithwyr undebau i sicrhau bod arferion gwaith yn bodloni gofynion statudol ac i ymchwilio i unrhyw achosion o dorri rheolau Iechyd a Diogelwch neu Sicrhau Gwybodaeth a chyflwyno gwelliannau angenrheidiol.

Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, a does dim bwriad i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol sydd ar lefel debyg ac allai fod yn angenrheidiol. Mae'n bosibl y bydd angen ailedrych ar yr addasiadau sylweddol o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf.


Ymddygiad	Cydweithio Datblygu eich Hun ac Eraill Cyflawni'n Gyflym Rheoli Gwasanaeth o Safon Gwneud Penderfyniadau Effeithiol Cyfathrebu a Dylanwadu Arweinyddiaeth
Cryfderau	Argymhellir bod y cryfderau’n cael eu dewis yn lleol - argymhellir 4-8
Profiad Hanfodol	Profiad o reoli staff sy’n gweithio gyda phobl heriol mewn amgylchedd gwaith ymarferol. Dealltwriaeth o rôl y Gwasanaeth Prawf yn y System Cyfiawnder Troseddol ac mewn lleoliad amlddisgyblaethol. Gwybodaeth a dealltwriaeth o’r materion sy’n wynebu dioddefwyr troseddau. Profiad o reoli ac asesu risg - dealltwriaeth o asesiad risg amlasiantaethol a gweithdrefnau rheoli. Profiad o weithio dan bwysau a chyflawni gwaith mewn amserlenni heriol. Profiad o weithio’n hyblyg fel aelod o dîm i gyrraedd targedau perfformio. Profiad amlwg o reoli/cefnogi newid a sicrhau gwelliannau o ran ansawdd ac effeithlonrwydd. Sgiliau TG datblygedig, gan gynnwys tystiolaeth o’r gallu i ddehongli a defnyddio adroddiadau perfformiad. Profiad o hyrwyddo amrywiaeth a chynwysoldeb yn rhagweithiol, yn fewnol ac yn allanol. Rheoli polisïau a gweithdrefnau Iechyd a Diogelwch a gwybodaeth ymarferol o ddeddfwriaeth Iechyd a Diogelwch. Profiad o systemau gwybodaeth a gweinyddu effeithiol.
Gofynion technegol	Cymhwyster Lefel 3 Sefydliad Iechyd a Diogelwch Galwedigaethol (IOSH) neu gymhwyster cyfatebol (neu’r gallu i gyflawni hyn o fewn 6 mis ar ôl eich penodiad). Trwydded Yrru Categori D1.
Gallu	Y gallu i gyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) drwy gyfrwng y Gymraeg.

Cymhwysedd Sylfaenol

Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd.
Bydd rhaid i bob ymgeisydd allanol gyflawni cyfnod prawf o 6 mis. Bydd rhaid i ymgeiswyr mewnol

gyflawni cyfnod prawf os nad ydynt eisoes wedi cyflawni cyfnod prawf yn HMPPS.

Mae’n rhaid i'r holl staff ddatgan a ydyn nhw’n aelod o grŵp neu sefydliad

sy’n cael ei ystyried yn hiliol gan HMPPS.

Lwfansau Oriau Gwaith (Oriau Anghymdeithasol)

I’w adael yn wag

I’w ddefnyddio gan y Tîm Gwerthuso Swyddi yn unig

PS-JES-0099 Rheolwr Gweithrediadau Gwaith Di-dâl f2.0

Proffil Llwyddiant

Ymddygiad	Cryfderau	Gallu	Profiad	Technegol
	Argymhellir bod cryfderau
	yn cael eu dewis yn lleol,
	ac argymhellir 4-8
Cydweithio		Y gallu i gyflawni’r holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) drwy gyfrwng y Gymraeg.	Profiad o reoli staff sy’n gweithio gyda phobl heriol mewn amgylchedd gwaith ymarferol	Cymhwyster Lefel 3 Sefydliad Iechyd a Diogelwch Galwedigaethol neu gymhwyster cyfatebol (neu’r gallu i gyflawni hyn o fewn 6 mis i’r penodiad)

Datblygu eich Hun ac Eraill			Dealltwriaeth o rôl y Gwasanaeth Prawf yn y System Cyfiawnder Troseddol ac mewn lleoliad amlddisgyblaethol	Trwydded Yrru Categori D1.

Cyflawni’n Gyflym			Gwybodaeth a dealltwriaeth o’r materion sy’n wynebu dioddefwyr troseddau

Rheoli Gwasanaeth o Safon			Profiad o reoli ac asesu risg a dealltwriaeth o asesiad o weithdrefnau amlasiantaethol ar gyfer asesu a rheoli risg

Gwneud Penderfyniadau Effeithiol			Profiad o weithio o dan bwysau a chyrraedd terfynau amser heriol

Cyfathrebu a Dylanwadu			Profiad o weithio’n hyblyg fel aelod o dîm i gyrraedd targedau perfformiad

Arweinyddiaeth			Profiad amlwg o reoli/cefnogi newid a sicrhau gwelliannau o ran ansawdd ac effeithlonrwydd

			Sgiliau TG datblygedig, gan gynnwys tystiolaeth o’r gallu i ddehongli a defnyddio adroddiadau perfformiad

				Profiad o hyrwyddo amrywiaeth a chynwysoldeb yn fewnol ac yn allanol

				Profiad o reoli polisïau a gweithdrefnau Iechyd a Diogelwch a gwybodaeth ymarferol am ddeddfwriaeth Iechyd a Diogelwch

				Profiad o weinyddu a systemau gwybodaeth yn effeithiol