Disgrifiad Swydd

Band 4

Proffil Grŵp - Hwylusydd (H)

Disgrifiad Swydd - H : Gweithiwr Grŵp

Cynhyrchwyd gan Y Tîm Cymorth a Sicrwydd Gwerthuso Swyddi

Awdurdodwyd gan Y Tîm Dyfarnu

Tystiolaeth ar gyfer y DS

Disgrifiad o’r Swydd

Teitl Swydd	F: Gweithiwr Grŵp
Proffil y Grŵp	Hwylusydd
Lefel yn y Sefydliad	Cyflenwi
Band	4

Trosolwg o'r swydd	Mae’r swydd wedi’i lleoli mewn carchar a bydd yn cynnwys gweithio mewn grwpiau ac un-i-un i ddarparu rhaglen i helpu carcharorion i ddeall eu hymddygiad, meithrin perthnasoedd cadarnhaol, gwella sgiliau meddwl yn feirniadol a’u cefnogi i fyw dyfodol heb droseddu. Bydd deiliad y swydd yn gweithio’n rhan o dîm bach o Weithwyr Grŵp i ddarparu gwasanaeth adsefydlu pwysig a chyflawni uchelgais y Llywodraeth o leihau aildroseddu.
Crynodeb	Bydd deiliad y swydd yn darparu amrywiaeth o weithgareddau a rhaglenni, sy’n cynnwys asesiadau, triniaeth i unigolion a thriniaeth grŵp, a bydd yn cynnig cymorth wrth ddarparu gweithgareddau adsefydlu ehangach yn y carchar. Bydd deiliad y swydd yn cael ei gefnogi drwy hyfforddiant, cyfleoedd i ddatblygu gyrfa a chefnogaeth broffesiynol. Mae hon yn swydd anweithredol na fydd yn cylchdroi ac nid yw’n cynnwys unrhyw gyfrifoldebau rheolaeth llinell.
Cyfrifoldebau, Gweithgareddau a Dyletswyddau	Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Darparu rhaglenni i grwpiau neu i unigolion gan ddilyn llawlyfr a’u cyflwyno yn unol â’r cynllun. Paratoi deunyddiau ar gyfer cyflwyno’r sesiwn. Cynllunio sesiynau yn unol â gofynion y rhaglen a chanfod sut mae cyflwyno’r sesiynau mewn ffordd ymatebol er mwyn diwallu anghenion y cyfranogwyr. Rhoi gwybod i’r Rheolwyr Triniaeth ac aelodau eraill y tîm pan nad oes modd cynnal y sesiynau, a threfnu sesiynau dal i fyny. Canfod a recriwtio cyfranogwyr ar gyfer rhaglenni yn y dyfodol, cwblhau asesiadau, ac offer sgrinio a chynnal cronfa ddata gywir o’r canlyniadau. Cynnal cofnodion cywir o asesiadau a chyswllt â charcharorion. Cynnal cyfweliadau cymhellol gyda charcharorion gyda’r nod o’u cynnwys mewn rhaglenni. Cymell cyfranogwyr y dyfodol, y presennol a’r gorffennol ac ymgysylltu â nhw’n barhaus. Cynnal sesiynau ôl-drafodaeth a chofnodi unrhyw wybodaeth allweddol o’r sesiynau’n gywir. Cwblhau tasgau ar ôl y rhaglen, gan gynnwys ysgrifennu cofnod o gynnydd, gosod amcanion, cyfrannu at adolygiadau ar ôl y rhaglen a chyfleu cynnydd i’r tîm rheoli dedfrydau, ar gyfer pob un sy’n cymryd rhan yn y rhaglen.
	Cymryd rhan weithredol yn y gwaith o reoli dedfrydau drwy gysylltu â Rheolwyr Troseddwyr yn y carchar a’r gymuned. Gweithio’n unol â’r canllawiau cyflawni a amlinellir yn y fframwaith sicrhau ansawdd, gyda chefnogaeth eich rheolwr triniaeth. Cymryd rhan weithredol mewn goruchwyliaeth a ddarperir gan dimau rheoli rhaglenni a thriniaeth. Cymryd rhan mewn cyfleoedd datblygiad proffesiynol parhaus a gefnogir gan eich rheolwr llinell. Darparu pecynnau ymwybyddiaeth i staff eraill yn y sefydliad. Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosib y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Gymraeg neu’r Saesneg (pan nodir hynny yng Nghymru).

Ymddygiadau	Cyfathrebu a Dylanwadu Datblygu eich Hun ac Eraill Rheoli Gwasanaeth o Safon Cydweithio
Cryfderau	Argymhellir bod y cryfderau’n cael eu dewis yn lleol, argymhellir 4-8.
Profiad Hanfodol	Bydd angen i ddeiliad y swydd feddu ar sgiliau rhagorol wrth ddelio â phobl. Bydd hyfforddiant yn cael ei ddarparu.
Technegol Gofynion
Gallu	Gallu cwblhau'r asesiad a'r cyrsiau hyfforddi angenrheidiol er mwyn darparu ymyriadau penodol a chynnal yr achrediad hwn o fewn y swydd. Gallu hwyluso mewn ffordd ryngweithiol a difyr.

Isafswm Cymhwysedd

Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd. Bydd rhaid i bob ymgeisydd allanol gyflawni cyfnod prawf o 6 mis. Bydd rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf yng Ngwasanaeth Carchardai a Phrawf EF (HMPPS). Mae’n rhaid i'r holl staff ddatgan a ydynt yn aelod o grŵp neu fudiad sy’n cael ei ystyried yn hiliol gan y Gwasanaeth Carchardai a Phrawf.

Proffil Llwyddiant

Ymddygiadau	Cryfderau Argymhellir bod cryfderau yn cael eu dewis yn lleol, argymhellir 4-8	Gallu	Profiad	Technegol
Cyfathrebu a Dylanwadu		Gallu cwblhau'r asesiad a'r cyrsiau hyfforddi angenrheidiol er mwyn darparu ymyriadau penodol a chynnal yr achrediad hwn o fewn y swydd.	Bydd angen i ddeiliad y swydd feddu ar sgiliau rhagorol wrth ddelio â phobl.
Datblygu eich Hun ac Eraill		Gallu hwyluso mewn ffordd ryngweithiol a difyr.	Bydd hyfforddiant yn cael ei ddarparu.
Rheoli Gwasanaeth o Safon
Cydweithio

OR-JES-218 JD B4: F: Gweithiwr Grŵp f8.0