Swydd Ddisgrifiad

Band 4

Proffil y Grŵp: Hwylusydd (F)

Disgrifiad Swydd: F: Dysgu Llythrennedd

Cyfeirnod y Ddogfen Math o Ddogfen Fersiwn Dosbarthiad Dyddiad Cyhoeddi Statws

OR-JES-561-JD-BX4 : F: Learning Literacy v8.0 Rheoli 8.0 Swyddogol 8 Awst 2024 Gwaelodlin

Cynhyrchwyd gan Y Tîm Gwerthuso Sicrwydd a Chymorth Swydd

Awdurdodwyd gan Y Tîm Gwobrwyo

Tystiolaeth ar gyfer y SDd

Swydd Ddisgrifiad

Teitl Swydd	F: Dysgu Llythrennedd
Proffil Grŵp	Hwylusydd
Lefel yn y Sefydliad	Cyflenwi
Band	4

Trosolwg o'r swydd	Mae hon yn swydd sy’n ymwneud yn uniongyrchol â charcharorion mewn sefydliad.
Crynodeb	Bydd deiliad y swydd yn gyfrifol am gydlynu dosbarthiadau llythrennedd i garcharorion gan feithrin perthnasoedd effeithiol, priodol a chefnogol drwy eu rheoli mewn modd rhagweithiol a hyrwyddo'r agenda gweddusrwydd. Cyfrannu at gynllunio dedfrydau a lleihau aildroseddu. Dilyn arferion carcharu diogel a chydymffurfio â safonau diogelwch cenedlaethol a lleol. Cyfrifol am lefel uwch o ddiogelwch, cynhyrchiant, trefn dda a glendid yn y gweithdai. Mae hon yn swydd anweithredol heb unrhyw gyfrifoldebau rheolaeth llinell na goruchwylio. Ni fydd y swydd hon yn cylchdroi.
Cyfrifoldebau, Gweithgareddau a Dyletswyddau	Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Hyrwyddo’r cynllun llythrennedd ymysg carcharorion, staff a rheolwyr. Cynllunio a chydlynu mentoriaid i garcharorion, a hynny er mwyn iddynt ddysgu a chefnogi carcharorion i ddarllen. Cymryd rhan yn y broses o ddewis mentoriaid addas i garcharorion ar gyfer y dosbarthiadau dysgu llythrennedd, gan sicrhau bod ganddynt rinweddau addas. Darparu hyfforddiant i fentoriaid a threfnu sesiynau dilynol os oes angen. Cysylltu â mentoriaid yn wythnosol i wirio cynnydd dysgwyr. Rhoi cymorth i fentoriaid a dysgwyr lle bo angen, gan eu hannog i ddysgu. Trefnu cyfarfodydd un-i-un gyda mentoriaid os oes angen i herio ymddygiad amhriodol a thrafod unrhyw broblemau neu bryderon. Trefnu a chadeirio cyfarfodydd mentor. Asesu anghenion y dysgwyr a’u paru â mentoriaid addas. Darparu cymorth a chyngor ar gyfleoedd gyrfa ar gyfer y maes gwaith. Goruchwylio a chynnal disgyblaeth carcharorion sy’n cael hyfforddiant, addysg neu brofiad gwaith. Cyfrifol am berfformiad, cymhelliant, disgyblaeth, arfarnu a datblygu carcharorion. Agor a llenwi ffurflenni Asesu, Gofal yn y Ddalfa a Gwaith Tîm (ACCT), Adroddiadau Digwyddiadau Lleihau Trais (VRIR) ac Adroddiadau Gwybodaeth am Ddiogelwch (SIRs) fel y bo’r angen, a chyfrannu at adroddiadau Cymhellion a Breintiau a Enillir (IEP).
	Cofnodi presenoldeb a chymeradwyo oriau gwaith a chyflogau carcharorion. Cynnal gwiriadau o ddeunyddiau yn y dosbarthiadau, a sicrhau bod y cloeon, y bolltau a’r bariau yn y gweithdy yn ddiogel. Cyfrannu at adroddiadau carcharorion gan gynnwys parôl, cynllunio dedfrydau a Chynllun Dysgu Unigol (ILP). Cwblhau gwybodaeth fonitro’r gyfundrefn a diweddaru cofnodion hyfforddiant carcharorion. Archebu deunyddiau ac amcangyfrif defnydd er mwyn cyrraedd targedau dysgu’r gwaith. Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosib y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Meini Prawf Proffil Llwyddiant y Gwasanaeth Sifil

Ymddygiadau	Cyfathrebu a Dylanwadu Arweinyddiaeth Datblygu eich Hun ac Eraill Rheoli Gwasanaeth o Safon Cydweithio
Cryfderau	Rydym yn argymell bod cryfderau’n cael eu dewis yn lleol, argymhellir 4 i 8.
Profiad
Gofynion technegol	Rhaid ymgymryd â hyfforddiant Train the Trainer ar Civil Service Learning (CSL).
Gallu

Isafswm Cymhwysedd

Peidiwch â newid y blwch hwn Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd. Bydd rhaid i bob ymgeisydd allanol gyflawni cyfnod prawf o 6 mis. Bydd yn rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf o fewn HMPPS. Mae’n rhaid i'r holl staff ddatgan a ydynt yn aelod o grŵp neu fudiad sy’n cael ei ystyried yn hiliol gan HMPPS.

Oriau Gwaith (Oriau Anghymdeithasol) Lwfansau

Wythnos waith 37 awr.