Proffil Grŵp

Enw'r Proffil Grŵp

Gweinyddiaeth y Gwasanaethau Cymorth

Lefel y Sefydliad

Cefnogi - Bydd y swyddi ar y lefel hon yn canolbwyntio ar y dasg gan gefnogi gweithgareddau, gwasanaethau neu weithrediadau.

Band

2

Trosolwg

Bydd deiliaid swyddi yn y Proffil Grŵp hwn yn ymgymryd â thasgau gweinyddol a thrafodaethol fel rhan o’u trefn bob dydd yn eu maes gwaith er mwyn cefnogi’r sefydliad.

Mae hon yn swydd anweithredol heb gyfrifoldebau rheolaeth linell.

Nodweddion

Dyma rai o’r tasgau cyffredin sy’n gysylltiedig â’r Proffil Grŵp hwn:

  • Darparu cymorth gweinyddol yn y maes gwaith

  • Cynnal system ffeilio fanwl gywir ar gyfer y maes gwaith

  • Ymateb i ymholiadau sy’n ymwneud â’r maes gwaith ac ailgyfeirio pan fo angen

Disgrifiadau Swydd sy’n berthnasol i’r Proffil Grŵp hwn

Ar ôl cael y swydd, bydd deiliad y swydd yn cael ei baru â disgrifiad swydd. Mae rhestr enghreifftiol wedi’i hatodi isod: Mae hon yn swydd sy’n cylchdroi, felly gallai deiliad y swydd gyflawni gwahanol ddisgrifiadau swydd yn ystod ei yrfa.

  • Gweinyddiaeth y Gwasanaethau Cymorth : Canolfan Fusnes

  • Gweinyddiaeth y Gwasanaethau Cymorth : Cofnodion

  • Gweinyddiaeth y Gwasanaethau Cymorth : Trefnu Ymweliadau

  • Gweinyddiaeth y Gwasanaethau Cymorth : Canolfan Groeso

Cymwyseddau

Mae holl gymwyseddau Fframwaith Cymhwysedd a Rhinweddau’r Gwasanaeth Cenedlaethol Rheoli Troseddwyr (NOMS) yn berthnasol i’r proffil grŵp hwn. Bydd y cymwyseddau canlynol yn cael eu hystyried yn ystod y broses ddethol:

  • 4. Arwain a Chyfathrebu

  • 5. Gweithio ar y Cyd ac mewn Partneriaeth

  • 6. Meithrin gallu pawb

  • 9. Rheoli Gwasanaeth o Safon Uchel

Cymwysterau Gofynnol



  • Bydd gwiriadau diogelwch ac adnabod yn cael eu cynnal ar ymgeiswyr cyn cychwyn yn y swydd

  • Mae cyfnod prawf o 6 mis yn berthnasol i bob ymgeisydd allanol. Bydd rhaid i ymgeiswyr mewnol wneud cyfnod prawf os nad ydynt wedi gwneud cyfnod prawf i NOMS yn barod.

  • Bydd rhaid i'r holl staff ddatgan a ydynt yn aelod o grŵp neu sefydliad sy’n cael ei ystyried yn hiliol gan y Gwasanaeth Carchardai

Sgiliau hanfodol/

Cymwysterau/

Achrediad/

Cofrestru

Gallu cyflawni holl agweddau llafar y swydd yn hyderus trwy gyfrwng y Saesneg neu'r Gymraeg (yng Nghymru)

NOMS_OR_T_49_GP_ Gweinyddiaeth y Gwasanaethau Cymorth _v3.0



Oriau Gwaith a Lwfansau

37 awr yr wythnos

Buddion

Gwyliau Blynyddol

  • Mae’r flwyddyn wyliau yn dechrau ar 1 Mawrth. Os nad oes gennych batrwm gwaith safonol, mae’n bosib y bydd eich hawl gwyliau yn cael ei chyfleu ar ffurf oriau neu ddiwrnodau, fel y bo’n briodol. Mae hawl gwyliau yn cael ei gyfrifo ar sail pro rata, a byddwch yn cael gwybod faint yn union o wyliau sydd gennych chi wrth gael eich penodi. Os cawsoch chi eich penodi’n fewnol a bod eich gwyliau yn arfer cael ei gyfrifo ar ffurf diwrnodau, bydd yn dal i gael ei gyfrifo felly.

Gwyliau Banc, Cyhoeddus a Braint

  • Mae gennych chi hawl i gael 10.5 diwrnod (78 awr) i gydnabod gwyliau banc, cyhoeddus a braint. Bydd yr oriau hyn yn cael eu hychwanegu at eich lwfans gwyliau blynyddol. Bydd rhaid i chi weithio ar rai gwyliau cyhoeddus a gwyliau banc, yn amodol ar eich patrwm sifft ac ar anghenion gweithredol y sefydliad.

Pensiwn

  • Mae’r Gwasanaeth Sifil yn cynnig dewis o ddau gynllun pensiwn, gan roi’r hyblygrwydd i chi ddewis y pensiwn sy’n gweddu orau i chi.

Cydbwysedd rhwng Bywyd a Gwaith

  • Mae’r Gwasanaeth Carchardai yn awyddus i hybu trefniadau gwaith amgen. Mae cydbwysedd rhwng bywyd a gwaith yn rhoi mwy o gyfleoedd i staff weithio’n fwy hyblyg pryd bynnag y bydd rheolwyr a sefydliadau yn gallu derbyn ceisiadau i wneud hynny. Mae’r gwasanaeth carchardai yn cynnig amodau gwaith hyblyg, yn amodol ar gyflawni NVQ a chyfnod prawf boddhaol.

Blaenswm Tocyn Tymor

  • Ar ôl dau fis o wasanaeth, byddwch yn gymwys i wneud cais am flaenswm tocyn tymor i brynu tocyn tymor chwarterol neu am gyfnod hwy er mwyn teithio rhwng eich cartref a’ch man gwaith.

Talebau Gofal Plant

  • Mae’r Gwasanaeth Carchardai yn cynnig cynllun talebau gofal plant. Mae’r cynllun yn galluogi staff i gael rhan o’u cyflog ar ffurf Talebau Gofal Plant. Gelwir hyn yn Aberthu Cyflog. Gellir defnyddio’r talebau i helpu gyda chostau unrhyw fath o ofal plant cofrestredig neu gymeradwy ar gyfer plant 0-16 oed. Nid oes treth na chyfraniadau Yswiriant Gwladol yn daladwy ar y talebau.

Hyfforddiant

  • Mae’r Gwasanaeth Carchardai wedi ymrwymo i ddatblygu ei staff ac mae’n cynnig ystod o gyfleoedd hyfforddi a datblygu sy’n cynnwys meysydd fel Cydraddoldeb ac Amrywiaeth, Delio ag Ymddygiad Heriol, Atal Hunanladdiad a Rhaglenni Gwrth-Fwlio.

  • Mae cyfleoedd i ymuno â rhaglenni dyrchafiad, ac mae’r Gwasanaeth Carchardai yn cynnig amrywiaeth o gyfleoedd hyfforddi perthnasol ar gyfer swyddi unigol.

  • Mae'r holl staff yn cael hyfforddiant ar amrywiaeth a diogelwch ynghyd â rhaglen gynefino unigol wrth ddechrau ar eu rôl newydd.