Teitl y Swydd

Hwylusydd Rhaglenni

Cyfarwyddiaeth

Y Gwasanaeth Prawf

Band

3

Trosolwg o’r swydd

Bydd deiliad y swydd yn darparu amrywiaeth o ymyriadau adsefydlu

wedi’u eu hanelu at newid agweddau, credoau ac ymddygiad pobl

sydd ar brawf gydag ystod lawn o fathau o droseddau a

lefelau risg (gan gynnwys y rheini sydd wedi eu cael yn euog o gam-drin rhywiol a domestig), fel y penderfynir gan ddedfrydau’r Llysoedd ac ar argymhelliad Ymarferwyr Prawf.

Prif amcanion y rôl hon yw lleihau aildroseddu, amddiffyn y cyhoedd, atal dioddefwyr yn y dyfodol ac ailsefydlu i helpu i greu bywydau adeiladol ac ystyrlon yn y gymuned, a hynny drwy ddarparu Rhaglenni Achrededig ac Ymyriadau Strwythuredig sy’n seiliedig ar dystiolaeth effeithiol.

Bydd deiliad y swydd wedi'i leoli'n Rhanbarthol ac yn rhan o’r

Tîm Ymyriadau ac yn adrodd i’r Rheolwr Rhaglen. Bydd yn darparu ymyriadau ar draws ardal ranbarthol fawr a bydd teithio’n ofynnol. Ni fydd unrhyw gyfrifoldeb rheoli llinell yn rhan o’r swydd hon.

Bydd gofyn gweithio oriau anghymdeithasol yn rheolaidd

(gan gynnwys gyda’r nos ac ar benwythnosau).

Crynodeb

Bydd deiliad y swydd yn darparu ymyriadau mewn grwpiau. Fodd bynnag, gall

ymyriadau fod ar ffurf sesiynau 1:1 neu o bell yn dibynnu ar yr ymyriad

(gan gynnwys gweithio gydag unigolion sydd ag anableddau a heriau dysgu), a hynny’n unol â llawlyfrau gweithredu a pholisïau sefydliadol.

Bydd deiliad y swydd yn cysylltu ag Ymarferwyr Prawf ac asiantaethau eraill i roi adborth iddynt mewn perthynas â chynnydd pobl ar brawf, y gwaith sydd ei angen a/neu bryderon sydd mewn grŵp. Bydd yn cyfrannu at yr asesiad risg cyffredinol a’r anghenion sy’n gysylltiedig â throseddu er mwyn mynd i’r afael â hyn.

Cyfrifoldebau, Gweithgareddau a Dyletswyddau

Bydd yn rhaid i’r ymgeisydd gyflawni’r cyfrifoldebau, y gweithgareddau

a’r dyletswyddau canlynol:

• Bod yn gyfrifol am gynllunio a darparu Ymyriadau mewn grŵp neu ar sail unigol i bobl ar brawf.

• Bydd deiliad y swydd yn datblygu ac yn adeiladu amgylchedd gwaith diogel a therapiwtig drwy gydol y rhaglen, yn unol â llawlyfrau gweithredol. Bydd yn ystyried gwahanol arddulliau a galluoedd dysgu.

• Bydd yn cadw at gyfrifoldeb statudol y Gwasanaeth Prawf dros amddiffyn (Plant ac Oedolion) a pholisïau amlasiantaethol ar gyfer amddiffyn y cyhoedd i reoli pob risg o niwed difrifol.

• Bydd yn rheoli deinameg grwpiau ac amrywiaeth o gymhlethdodau ac anghenion pobl sydd ar brawf, er mwyn sicrhau bod ymyriadau’n cael eu targedu’n effeithiol a bod y deilliannau dysgu yn cael eu cyflawni. Bod yn gyfrifol am fynd i’r afael ag unrhyw ymddygiad problemus mewn grwpiau.

• Bod yn gyfrifol am fonitro’n gyson a gwneud argymhellion gwybodus sy’n seiliedig ar dystiolaeth ynghylch addasrwydd, risg, diogelwch a lles pobl sydd ar brawf drwy gydol yr ymyriad (cyn, yn ystod ac ar ôl), er mwyn llywio’r gwaith o reoli dedfrydau yn y dyfodol.

• Bod yn gyfrifol am gwblhau cofnodion amserol a chywir o'r holl ddata perthnasol; presenoldeb, adborth, materion risg ac adroddiadau perthnasol, sy'n bodloni gofynion sicrhau ansawdd.

• Bod yn gyfrifol am gysylltu â staff neu’r rhanddeiliaid perthnasol (Llysoedd, Asiantaethau Cyfiawnder Troseddol ac ati) sy’n gyfrifol am gynlluniau gorfodi a rheoli risg, gan ddarparu gwybodaeth a dadansoddiad amserol a phriodol o gynnydd pobl ar brawf ar yr ymyriad neu bryderon o fewn grŵp.

• Darparu gweithdai a sesiynau briffio i staff y Gwasanaeth Prawf a rhanddeiliaid allanol ar ystod, pwrpas a chynnwys yr ymyriadau sydd ar gael.

• Dangos sgiliau modelu rhag-gymdeithasol drwy atgyfnerthu ymddygiad ac agweddau rhag-gymdeithasol a herio ymddygiad ac agweddau gwrth-gymdeithasol yn gyson.

• Cymryd rhan mewn sesiynau adborth monitro fideo rheolaidd i sicrhau y glynir wrth safonau archwilio ac adolygu. Myfyrio ar ei ymarfer ei hun ac ymgymryd â’r datblygiad proffesiynol a gynghorir.

Rhaid i ddeiliad y swydd lynu wrth yr holl bolisïau mewn perthynas â natur sensitif/cyfrinachol yr wybodaeth sy’n cael ei thrin wrth weithio yn y swydd hon a rhaid iddo bob amser ddangos ymrwymiad i gydraddoldeb a chynhwysiant a dealltwriaeth o’u perthnasedd i’r gwaith mae’n ei wneud.

Mae’r rhestr ddyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir iddi fod yn rhestr gynhwysfawr. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosib y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf.

Ymddygiad

• Cyfathrebu a Dylanwadu

• Datblygu eich Hun ac Eraill

• Cydweithio

• Gwneud Penderfyniadau Effeithiol

• Rheoli Gwasanaeth o Safon

Gallu

• Gallu dangos tystiolaeth o sgiliau rhifedd a llythrennedd lefel uchel sydd eu hangen i ddarllen, deall a dehongli polisïau a’r gallu i ysgrifennu adroddiadau a gohebiaeth ar gyfer rhanddeiliaid mewnol ac allanol.

• Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Profiad hanfodol

• Profiad o ddelio ag ymddygiad heriol, gan gynnwys unigolion sydd wedi profi amrywiaeth o anawsterau cymdeithasol/personol, mewn lleoliad proffesiynol neu bersonol.

• Profiad o gydweithio, a chynnal perthnasoedd tîm effeithiol.

• Ymwybyddiaeth a pheth dealltwriaeth o’r system cyfiawnder troseddol, egwyddorion diogelu a’r mathau o ddedfrydau a roddir i Bobl ar Brawf.

• Profiad o asesu a dadansoddi gwybodaeth o wahanol ffynonellau a sefyllfaoedd er mwyn gwneud penderfyniadau.

• Dealltwriaeth o hyrwyddo cydraddoldeb a gwerthfawrogi amrywiaeth, ac ymrwymo iddynt.

• Profiad o ddefnyddio amrywiaeth o raglenni meddalwedd TG fel Microsoft.

• Profiad o weithredu dulliau dysgu newydd i wella perfformiad.

• Profiad o gynllunio a blaenoriaethu tasgau’n effeithiol mewn ymateb i ofynion sy’n newid.

Anghenion technegol

• Bydd gofyn i ymgeiswyr gwblhau a phasio Canolfan Asesu cyn ymgymryd â hyfforddiant.

• Bydd gofyn i ymgeiswyr ddod yn Hwylusydd Rhaglenni Achrededig drwy wneud y canlynol:

• Ymgymryd â Sgiliau Craidd (1 wythnos) a’u pasio’n llwyddiannus i ddangos eu bod yn gymwys i ddarparu ymyriadau gwaith grŵp (o fewn 6 mis).

• Ymgymryd â hyfforddiant penodol ar gyfer pob rhaglen ac ymyriad y mae’r gwasanaeth yn eu darparu, a’u pasio’n llwyddiannus (1 wythnos fesul rhaglen).

Cymwysterau Gofynnol

• Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd.

• Bydd rhaid i bob ymgeisydd allanol gyflawni cyfnod prawf o 6 mis. Bydd yn rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf o fewn y Gwasanaeth Carchardai a Phrawf (HMPPS).

• Mae’n rhaid i'r holl staff ddatgan a ydynt yn aelod o grŵp neu fudiad sy’n cael ei ystyried yn hiliol gan Wasanaeth Prawf a Charchardai EF.

Oriau Gwaith (Oriau Anghymdeithasol) a Lwfansau