Teitl y Swydd

RhUG: Ymgysylltu â'r Gymuned Fusnes

Proffil Grŵp

Rheolwr Uned Gweithgareddau

Lefel yn y Sefydliad

Rheolaeth Llinell Gyntaf

Band

6

Trosolwg o'r Swydd

Swydd rheoli mewn sefydliad yw hon

Crynodeb

Bydd deilydd y swydd yn gyfrifol am ddatblygu perthynas gyda'r gymuned leol er lles y naill a'r llall i hyrwyddo gwaith Gwasanaeth Carchardai a Phrawf Ei Fawrhydi (HMPPS) a'r sefydliad er mwyn codi ymwybyddiaeth o gefnogi carcharorion tra byddant yn y carchar ac wedi iddynt gael eu rhyddhau a chreu cyfleoedd iddynt.

Swydd anweithredol, nad yw'n cylchdroi yw hon y mae iddi gyfrifoldebau rheolaethol

Cyfrifoldebau, Gweithgareddau a Dyletswyddau

Bydd yn ofynnol i ddeilydd y swydd ymgymryd â'r cyfrifoldebau, gweithgareddau a'r dyletswyddau a ganlyn:

• Bod yn gyfrifol am reoli'r cysylltiadau cyfathrebu/Cysylltiadau Cyhoeddus rhwng y gymuned leol a'r sefydliad trwy ymateb i geisiadau am wybodaeth, cynrychioli'r sefydliad mewn gweithgareddau allanol a hwyrwyddo gwaith y Gwasanaeth Cenedlaethol Rheoli Troseddwyr (HMPPS)/ y sefydliad ymhlith grwpiau a sefydliadau cymunedol.

• Datblygu strategaeth leol i ymgysylltu â diwydiant allanol, gan gynnal rhwydweithiau i ymchwilio i ffrydiau ariannu er mwyn codi i'r eithaf ymwybyddiaeth o'r cyfleoedd i garcharorion.

• Bod yn gyfrifol am sicrhau cysylltiadau gyda chyfleoedd partneriaeth i garcharorion sy'n ategu trefn y sefydliad a chynnig cyfleoedd i ymarfer sgiliau gwaith a ddatblygwyd yn y ddalfa neu sy'n gysylltiedig â dyheadau cyflogaeth yn y dyfodol.

• Bod yn gyfrifol am ddatblygu strategaeth leol i ymgysylltu â diwydiant y tu allan, cynnal rhwydweithiau i ymchwilio i ffrydiau ariannu er mwyn codi i'r eithaf ymwybyddiaeth o'r cyfleoedd i garcharorion.

• Bod yn gyfrifol am sicrhau y caiff lleoliadau carcharorion eu monitro'n rheolaidd er mwyn gwirio a yw cyflogwyr, hyfforddwyr a cholegau'n cydymffurfio â rheoliadau'r Awdurdod Gweithredol Iechyd a Diogelwch. Anfon unrhyw waith papur arsylwi at y person Iechyd a Diogelwch a benodwyd.

• Bod yn gyfrifol am reoli a chyd-drefnu ymweliadau â sefydliadau gan gynrychiolwyr sefydliadau partner.

• Bod yn gyfrifol am ganfod cyfleoedd i gyflogwyr/cyrff cynrychioli cyflogwyr hyrwyddo cyfleoedd ar gyfer hyfforddi/cyflogi cyn-droseddwyr a datblygu prosesau gyda chyflogwyr yn sicrhau cytundebau ariannu/priodol yn ôl y gofyn.

• Cynghori a gweithio gyda chydweithwyr yn y timau dysgu, sgiliau, cyflogaeth a Gweithgareddau i gryfhau perthnasoedd a chysylltiadau gweithio trwy lif perthnasol ac amserol gwybodaeth.

• Cynghori a gweithio gyda rhanddeiliaid i nodi cynlluniau i hyrwyddo'r gwaith yn y gymuned leol i ostwng cyfraddau aildroseddu, gan gyfnewid gwybodaeth yn ôl y gofyn.

• Cadw cyfeirlyfr o sefydliadau gwirfoddol/statudol sy'n darparu gwasanaethau i garcharorion yn y sefydliad.

• Bod yn gyfrifol am gynnal cysylltiadau gyda thimau gwasanaethau cymunedol, swyddfeydd prawf lleol, yr heddlu a chyrff awdurdodau lleol eraill i droi cynlluniau cenedlaethol yn drefniadau ymarferol a llwyddiannus yn y gymuned leol a gweithredu arnynt.

• Bod yn gyfrifol am sicrhau y caiff bylchau mewn darpariaeth gwasanaeth eu nodi, gan gynnwys grwpiau amrywiaeth a rhai a gaiff eu tangynrychioli.

• Bod yn gyfrifol am sicrhau y caiff y lleoliadau hyfforddi eu datblygu gyda darparwyr lleol a mynd i gyfarfodydd risg angenrheidiol i sicrhau fod prosesau yn eu lle i gefnogi'r darparwr a gwarchod y cyhoedd.

Ymgymryd â thasgau rheoli eraill yn cynnwys:

• Rheoli cyllidebau wedi'u datganoli yn unol â'r gweithdrefnau ariannol a amlinellir yn y gyllideb a ddirprwyir.

• Bod yn gyfrifol am reoli'r holl staff yn eu maes. Mae hyn yn cynnwys perfformiad a datblygiad staff a'u gwerthusiad blynyddol trwodd i reoli absenoldeb salwch.

• Sicrhau y gweithredir ar holl safonau'r HMPPS a Dangosyddion Cyflawni Gwasanaeth a'u rheoli yn y maes gwaith perthnasol

• Sicrhau y gweithredir ar yr holl bolisïau a gweithdrefnau cenedlaethol a'u bod yn cydymffurfio e.e. Y Fframwaith Diogelwch Cenedlaethol (NSF), Y Strategaeth Diogelwch Lleol (LSS) a'r Llawlyfr Ariannol.

• Yn unol â'r cyfarwyddiadau, mynd i fyrddau/cyfarfodydd perthnasol a chyfrannu'n weithredol, un ai fel cadeirydd neu aelod o'r tîm.

• Rhoi arweiniad a chyfarwyddyd i reolwyr a staff yn eu maes gwaith diffiniedig trwy eu briffio, creu perthnasoedd anffurfiol a ffurfiol a chyfathrebu effeithiol.

• Llunio adroddiadau perthnasol yn ôl y gofyn a sicrhau yr ymatebir i'r holl ohebiaeth o fewn yr amser y cytunwyd arno.

• Cysylltu â rhanddeiliaid mewnol ac allanol a ffurfio perthynas dda â nhw.

• Rheoli adnoddau i gyflawni'r gweithgareddau yn y maes gwaith a ddiffinnir a chyfrannu at y broses cynllunio busnes tymor canolig i hir.

• Sicrhau bod y maes gwaith diffiniedig a'r gweithgareddau cysylltiedig yn cydymffurfio â'r ddeddfwriaeth iechyd a diogelwch. Sicrhau yr ymgymerir â'r holl asesiadau risg a bod yn staff yn ymwybodol o'r cyfrifoldeb personol tuag at sicrhau y cydymffurfir â rheolau Iechyd a Diogelwch.

Mae'r dyletswyddau/cyfrifoldebau a restrir uchod yn disgrifio'r swydd fel ag y mae ar hyn o bryd ac nid bod yn gynhwysfawr yw eu bwriad. Mae disgwyl i ddeilydd y swydd dderbyn newidiadau rhesymol a thasgau ychwanegol ar lefel debyg a allai fod yn angenrheidiol. Efallai y bydd yn rhaid ailedrych ar addasiadau sylweddol dan y Cynllun Gwerthuso Swyddi a thrafodir gyda deilydd y swydd, yn y lle cyntaf.

Gallu i gyflawni holl agweddau llafar y swydd yn hyderus trwy gyfrwng y Saesneg neu (pan nodir hynny yng Nghymru) y Gymraeg.

Ymddygiad

• Gwneud Penderfyniadau Effeithiol

• Cyfathrebu a Dylanwadu

• Cydweithio

• Rheoli Gwasanaeth o Safon

Cryfderau

Cynghorir dewis cryfderau yn lleol, yr argymhelliad yw 4-8

Profiad

Gofynion Technegol

Bydd gan ddeilydd y swydd gymwysterau perthnasol mewn maes gwaith megis Rheoli Gweithgareddau Masnachol, cymwysterau hyfforddi cydnabyddedig/ neu fod yn aseswr achrededig a bod â gwybodaeth/profiad arbenigol mewn Diwydiant perthnasol.

Bydd angen bod â gwybodaeth/ymarferion gweithio cyfoes mewn meysydd arbenigaeth.

Ymgeiswyr mewnol

Bydd disgwyl i'r holl staff sydd newydd eu dyrchafu i'r rolau rheolwr llinell gyntaf Band 6 a ganlyn (Rheolwr Uned Gweithgareddau, Rheolwr Uned Cyfleusterau a Gwasanaethau, Rheolwr Busnes Cyfleuster a Gwasanaethau, Rheolwr Rhaglenni, Rheolwr Triniaeth Arbenigol neu Gynghorydd Cydraddoldeb) mewn Sefydliadau, gwblhau'r Rhaglen i Reolwyr Newydd ar Ddysgu yn y Gwasanaeth Sifil o fewn tair blynedd i gael dyrchafiad.

Ni fydd yn rhaid i staff sy'n cael eu mapio neu eu hailraddio i Fand 6 ac oedd eisoes yn gweithio ar lefel gyfatebol, wneud y cymhwyster.

Ymgeiswyr allanol

Bydd disgwyl i'r holl staff allanol sy'n ymuno fel Rheolwr Uned Gweithgareddau, Rheolwr Uned Cyfleusterau a Gwasanaethau, Rheolwr Busnes Cyfleuster a Gwasanaethau, Rheolwr Rhaglenni, Rheolwr Triniaeth Arbenigol neu Gynghorydd Cydraddoldeb Band 6 mewn Sefydliadau, gwblhau'r Rhaglen i Reolwyr Newydd ar Ddysgu yn y Gwasanaeth Sifil o fewn tair blynedd.

Gallu

Cymwysterau Gofynnol

• Bydd gwiriadau adnabod a diogelwch yn cael eu cynnal ar bob ymgeisydd cyn iddynt gychwyn swydd

• Bydd pob ymgeisydd allanol ar brawf am chwe mis. Bydd ymgeiswyr mewnol ar brawf onid ydynt eisoes wedi bod ar gyfnod prawf o fewn HMPPS.

• Mae'n rhaid i'r holl staff ddatgan a ydynt yn aelod o grŵp neu sefydliad sy'n cael ei ystyried yn hiliol gan HMPPS.

Lwfansau Oriau Gwaith (Oriau Anghymdeithasol)

37 awr yr wythnos